لە دیداری بەرهەم ساڵح و کازمی، جەختکرایەوە لەسەر هەڵوێستی نەگۆڕی عێراق لە پاڵپشتیی فەلەستین
May 24, 2021 09:40 Asia/Tehran
بەرهەم ساڵح سەرۆک کۆمار و مستەفا کازمی سەرۆک وەزیرانی عێراق لەسەر هەڵوێستی نەگۆڕی ئەو وڵاتە لە پاڵپشتی لە نەتەوەی فەلەستین هەمبەر دەستدرێژییەکانی ئیسرائیل جەختیان کرد.
بە ڕاپۆرتی ئاژانسی هەواڵی مێهر بە گێڕانەوە لە مەعلوومە، بەرهەم ساڵح سەرۆک کۆماری عێراق لە یەکەم کۆنفڕانسی نێودەوڵەتی پاڵپشتی لە گەلی فەلەستین لە بەغدا وتی: ئەمڕۆ لە ئێرە کۆ بووینەتەوە تا لەسەر هەڵوێستی نەگۆڕی عێراق لە پاڵپشتی لە گەلی فەلەستین جەخت بکەینەوە.
بەرهەم ساڵح گوتیشی: حکومەت و گەلی عێراق لە خەباتی گەلی فەلەستین پاڵپشتی دەکات.
مستەفا کازمیش لەو کۆنفڕانسەدا وتی: جارێکی دیکە لەسەر هەڵوێستی نەگۆڕی عێراق لە پاڵپشتی لە پرسی فەلەستین جەخت دەکەین و جەنایەتەکانی ئیسرائیل لە غەززە و بەیتولموقەدەس ئیدانە دەکەین.
