وەزارەتی ناوخۆی عێراق: یاساوڕێسای قەدەغەی هاتووچۆ لە رۆژی دەنگدان، ڕەچاو ناکرێ
تشرینی دووهم 06, 2025 17:55 Asia/Tehran
وتەبێژی وەزارەتی ناوخۆی عێراق ڕایگەیاند کە گەڵاڵەی ئاسایشیی تایبەتی هەڵبژاردن لەو خولەدا بەپێچەوانەی خولەکانی ڕابردوو، دژوار نابێ و یاسای قەدەغەی هاتووچۆش هەڵدەگیرێ.
"عەبباس بەهادلی" وتی : وەزارەتی ناوخۆ ئامادەکاریی پێویستی کردووە بۆ جێبەجێکردنی گەڵاڵەی ئاسایشیی تایبەتی هەڵبژاردنەکان و لەو خولەدا گەڵاڵەی ئاسایشی نەرم و نیانتر بەڕێوەدەچێ و یاساوڕێسای قەدەغەی هاتووچۆ ڕەچاو ناکرێ. وتیشی: وەزارەتی ناوخۆی عێراق بەهاوکاری و یەکڕیزیی تەواو لەگەڵ دامەزراوە ئاسایشی و سەربازییەکانی دیکەی وڵات، ئاسایشی هەموو ناوەندەکانی دەنگدان و سندوقەکان دابین دەکا.
