ناوبژیوانێکی تورکیایی فیکەی یاریی ئێران و مەراکش لێ دەدا
حوزه‌یران 14, 2018 13:17 Asia/Tehran
ناوبژیوانێکی تورکیایی فیکەی یەکەم یاریی نێوان یانەی هەڵبژاردەی تۆپی پێی ئێران لەگەڵ یانەی هەڵبژاردەی تۆپی پێی مەراکش لە مۆندیاڵی ڕووسیا لێ دەدا.
بە پێی راپۆرتی هەواڵدەریی مێهر؛ لێژنەی ناوبژیوانانی فدراسیۆنی تۆپی پێ، "جونیت چاکر" لە وڵاتی تورکیای بۆ ناوبژیوانی کردنی یاریی نێوان یانەی هەڵبژاردەی تۆپی پێی ئێران لەگەڵ یانەی هەڵبژاردەی تۆپی پێی مەراکش لە مۆندیاڵی ڕووسیا هەڵبژاردووە.
"بەهائەدین دەوران و "تاریک ئونگون" هاووڵاتیانی چاکر، لە ناوبژیوانیی ئەو یارییەدا یارمەتیدەری دەبن.
یانەی هەڵبژاردەی تۆپی پێی ئێران لە یەکەم یاریی خۆیدا لە مۆندیاڵی ٢٠١٨ی ڕووسیا، لە کاژێر ١٩:٣٠ (بە کاتی تاران) هەینی بەرامبەر بە مەراکش دەچێتە مەیدانەوە.
