شەترەنج بازی نابیسای ئێران لە کێبەرێی جیهانی دا بوو بە پاڵەوان
ئه‌یلوول 16, 2022 14:42 Asia/Tehran
شەترەنج بازی نابیسای ئێران ناسناوی پاڵەوانی جیهانی مسۆگەر کرد.
بەپێی ڕاپۆرتی ڕۆژی هەینیی ئیرنا، لە یەکەم ڕۆژی ئەم کێبەرکێیەدا کە لە شاری وەرشۆی پایتەختی پۆڵەندا بە بەشداریی ٢٢ وڵات بەڕێوەچوو؛ «پوریا جەمالی» یاریزانی نابیسای شەترەنجی ئێران، لە ١١ خولدا بە دەسەڵاتێکیی تۆکمەو تەواوەوە ١١ خاڵی پلەی یەکەمی لاوانی جیهانی بەدەست هێنا و «ئارمین ڕەحمەتپوور»یش بە ١٠ خاڵەوە پلەی دووەمی دەست خست.
ئەم کێبەرکێیانە بە سێ بەشی پیاوان و ژنان و گەنجانەوە خەریکە بەڕێوە دەچێت.
هه‌روه‌ها کێبەرکێی ستانداردیش له به‌یانی ئه‌مڕۆ هه‌ینییه‌وه له ٩ خول دا ده‌ستی پێ کراوەو بۆ ماوه‌ی حەوتەیه‌ک به‌رده‌وام ده‌بێت.
تیپی نیشتمانیی شەترەنجی نابیسایانی ئێران بۆ یەکەمجارە کە بەشداریی ئەم کێبەرکێیانە دەکات.
