هاوکات لەگەڵ درێژەی دەسدرێژکارییەکانی رژیمی زایۆنی بۆسەر غەززە، ژماری گشتیی شەهیدانی ئەو ناوچە لە حەوتی ئۆکتۆبەری٢٠٢٣ـوە تا ئێستا، گەیشتە پەنجا و دوو هەزار و ٤٠٠ کەس.

وەزارەتی تەندروستیی فەلەستین لە غەززە رایگەیاند، لەماوەی ٢٤کاتژمێری ڕابردوو، سی و پێنج کەس لەو ناوچەیە شەهیدو ١٠٩ کەسیش بریندار بوون. بەپێی ئەو راپۆرەو بە دەسپێبوونی قۆناخی تازەی دەسدرێژییەکانی رژیمی زایۆنی بۆسەر غەززە لە ١٨ی مارسی ٢٠٢٥ـەوە تائێستا، دوو هەزار و ٣٠٨ کەس شەهیدو پێنج هەزار و ٩٧٣ کەسیش بریندار بوون.

بە ژمێردرانی ئەو شەهیدانە، ژماری شەهیدانی غەززە لە حەوتی ئۆکتۆبەری ٢٠٢٣ـەوە و هاوکات لەگەڵ دەسپێبوونی هەڵمەتی باهۆزی ئەقسا گەیشتە ٥٢هەزار و ٤٠٠کەس و ژماری بریندارانیش ١١٨ هەزار و ١٤ کەس . ئەو هەواڵە لە کاتێکدا بڵاو دەبێتەوە کە لەئاکامی پەلامارەکانی ئەمڕۆی سوپای رژیمی زایۆنی بۆسەر کەرتی غەززە تائێستا ١٦ فەلەستینی شەهید بوون کە ١٢ کەسیان لە ناوەندی کەرتی غەززە شەهید بوون.