شەوی ڕابردوو هێزەکانی سوپای زایۆنیستی بە چەکەمەنی و ئۆتۆمبێلی سەربازییەوە، پەلاماری چەند شوێنێکی نیشتەجێبوونیان دا لە پارێزگای ئەلخەلیل و کەمپی "ئەلفەوار" لە باشووری شارەکەو جگە لە وەستاندنی فەلەستینییەکان و پشکنینی جەستەیی و ئازاردانیان لە بازگەکانی نزیک گۆڕەپانی"ئەلجەلدە" لە شاری ئەلخەلیل، هێرشیان کردەسەر ماڵی فەلەستینییەکان و دەستیان کرد پشکنینیان.

شارەوانیی ئەلخەلیلیش لە بەیاننامەیەکدا ڕایگەیاندووە کە لەدرێژەی پەلامارە سەربازییەکان، ژماری ئاوارەکان لەو شارە گەیشتووەتە چوار هەزار و ٩٦٩ کەس کە حەوتسەد و هەشتا خێزان لەخۆ دەگرێ.

لەماوەی دوو رۆژی یەکەمی پەلامارەکان، ئەلخەلیل شایەتی کۆچی زۆرەملێی بەرفراوانی بەسەدان فەلەستینی، وێرانکردنی ماڵ و نشینگەکان، دامەزراوەو یەکە بازرگانییەکان، لەناوبردنی ژێرخانەکان و گۆڕانی ژمارێک ماڵ و خانووبەرە بۆ سەربازگەو هەڵکردنی ئاڵای رژیمی زایۆنیستی لەسەر ئاسمانەکانیان بووە. بەپێی ڕاگەیێندراوی دامەزراوەی کاروباری یەخسیرانی فەلەستینی، چەکدارانی زایۆنی لە رۆژی هەینییەوە هەتا دووشەممە هەشتا و پێنج هاووڵاتیی فەلەستینیان لە پارێزگای ئەلخەلیل قۆڵبەست کردووە.