خوولی شەشەمی دانووستانەکانی سوریا بەچاوەدێری ڕێکخراوی نەتەوەکان بە بێ دەستکەوتێکی ڕاستەقینە لە چارەسەری سیاسی قەیرانی ئەو وڵاتە ڕۆژی هەینی لە ژینیڤ کۆتایی هات .

 بەگوێرەی  ڕاپۆرتی هەواڵدەری فەرەنسا ،" ئیستفان دیمیستۆرا"نوێنەری تایبەتی ڕیکخراوی نەتەوەکان  لە کارو باری سوریا  لەکۆتایی چوار ڕۆژ وتوویژەکانی ناڕاستەو خۆ لە نێوان لیژنەی دەوڵەتی سوریا و لیژنەی بەرهەڵستکارانی سوری لە ژینیڤ ڕایگەیاند: هەوڵ ئەدات خولی دواتری دانووستانەکانی ئاشتی سوریا لەمانگی ژوئەن دا بەڕێوە بچێت ، بەڵام تا بە ئێستا کاتی دیاری کراو بۆ دەستپێکردنەوەی ئەو وتووێژانە دیاری نەکراوە .  " ئیستفان دیمیستۆرا"  وتیشی :  تەنیا پێشکەوتنی بەرچاو لە خولی شەشمی دانووستانەکانی سوریا لە ژینیڤ ، بەڕێوە بردنی وتووێژەکان  لە نێوان کارگێرانی ڕێکخراوی نەتەوەکان لەگەڵ کارناسانی دەوڵەتی سوریا و بەرهەڵستکارانی سوری بوو کەمەسەلەکانی مافەوانی و دەستووری سوریا دەکەوێتە بەر لێکدانەوە .  " ئیستفان دیمیستورا"  جەختیکرد : ڕێکخراوی نەتەوەکان هەرگیز دەستووری نوێی سوریا دیاری ناکەن، بەڵام بەڕێوە چوونی ئەم کۆبوونەوانە یارمەتی زۆر ئەدات بە دیاری کردنی ئەم یاسایە . نوێنەری تایبەتی ڕێکخراوی نەتەوەکان لە کارو باری سوریا هەر لەم حالە دا بەڕاشکاوی وتی :  بە هۆی کەمبوونیی کات ، لایەنەکانی بەشداری ژینیڤ نەیانتوانیوە پرسەکانی چواراینەی نووسراوە لە خشتەی  بەرنامەکانی خولی پێنجەمی وتووێژەکانی ژینیڤ، بریتی لە " خەبات دژی ترۆریسم ، یاسای بنەڕەتی، پێکهێنانی دەوڵەتی ئینتقالی و بەڕێوە چوونی هەڵبژاردنەکان " لێکبدەنەوە.