"سێرگەیی لاڤرۆف"ی وەزیری دەرەوەی ڕووسیاو "ستێفان دیمیستۆرا" نوێنەری سکرتێری گشتیی نەتەوە یەکگرتووەکان بۆ کاروباری سووریا شەوی هەینی سەبارەت بە دانوستانی ئاشتیی سووریا چاوپێکەوتنیان کردو بیرو ڕایان گۆڕیەوە .

بە پێی ڕاپۆرتی ئیرنا؛ وەزارەتی درەەوەیی ڕووسیا ڕایگەیاند: لە دیداری ڕۆژی پێنجشەممەی لاڤرۆف و دیمیستۆرادا کە لە مۆسکۆ بەڕێوە چوو، دوو لایەن پرسەکانی هاوپێوەند بە قەیرانی سووریایان لێک دایەوە.

لەم دیدارەدا دیمیستۆرا هەوڵەکانی ڕووسیا لە پێناو دابین کردنی هەل و مەرجەکانی دامەزرانی ئاگربڕ لە سووریا لەوان جێبەجێ کرانی تەبایی نامەی دانانی بەرتەسکی بۆ کەم کردنەوەی کێشە و پێکدادان لە سووریا لە یەک مانگ لەمەوبەر لە لایەن ئێران، ڕووسیا و تورکیاوە مۆر کراوە بە شیاو و چارەسەرێکی باش هەڵسەنگاند.

لاڤرۆف و دیمیستۆرا هەروەها جەختیان کرد لە سەر گرینگایەتیی چەسپانی ئەنجامە دەسکەوتووەکان لە کاتی بەڕێوە چوونی ڕاوێژکاریی سووری- سووری لە ژێنێڤ لە ژێر چاوەدێریی نەتەوە یەکگرتووەکان لەوان پرسەکانی هاوپێوەند بە چاکسازیی لە یاسای بنەڕەتیی سووریادا.

دوو لایەن هەروەها پێیان داگرت لە سەر پاراستن و پەرەپێدانی ڕەوتی بەرەو پێشەوە چوونی دانوستانەکان و دابین کرانی هەل و  مەرجە گشتداگرەکانی و بەشداری هەموو گرووپە سوورییەکان لەو دانوستانانەدا.

سووریا لە مارسی ٢٠١١ـەوە بەرەوڕووی قەیرانی ڕژانی تیرۆریستی بیانی دەنێو خاکی ئەم وڵاتە بۆتەوە. قەیرانێک کە تا ئێستا بۆتە هۆی کوژرانی سەدان هەزار کەس و بریندار و ئاوارە بوونی بە ملوێنان شاروومەندی سووریایی.