سەرۆک کۆماری لوبنان ڕایگەیاند : بۆ لەناو بردنی گەندەڵی لە وڵات پێویست بە هەوڵ دانێکی زۆرە .

بە گوێرەی   ڕاپۆڕتی  ڕۆژی یەکشەمەی کاناڵی  تەلەفیزوینی  ئەلمەیادین  ؛ لاگرانی  ڕەوتی  نیشتمانی  ئازادی  لوبنان  لە نزیکیی  کۆشکی  سەرۆکایەتی  ئەو  وڵاتە  ناسراو بە"  بەعبەدا  " لە بەیرووت  و بۆ لاگری  لە میشل عەون  سەرۆک کۆمار  خۆپیشاندانێکی گەورەیان  بەڕێوە برد . بە پێی  ئەو  ڕاپۆڕتە  میشل عەون  لە کۆڕی  خۆپیشاندەران  بە داکۆکی کردن لە مافی خەڵک بۆ بەڕێوە بردنی  خوپیشاندانەکان  جەختی کرد   گەندەڵی  لە لوبنان  ڕیشەدارە  و  لە  ڕابردووەوە  بووە  و بۆ لەناو بردنی  پێویستی بە هەوڵێکی  زۆرە . میشل عەون  هەروەها  وتی  زۆرێک کەس بۆ خەبات  بە دژی  گەندەڵی لەمپەر دەخەنەوە . لە هەمان حاڵدا جوبران باسیل  وەزیری  دەرەوەی لوبنانیش  لە کۆڕی  خۆپیشاندەران  وتی  یەکدەنگی  نیشتمانی لوبنان  لە هەر شتێک گرینگترە  و خەڵکی لوبنان لە گەڵ بیانیەکانی  دژی  وڵاتی خۆیان پیلانگێڕی ناکەن . جوبران باسیل  وتیشی : لە گەڵ  هیچ کەس یان گرووپێک  لە پەیوەندیە گەندەڵیەکان  هاوکاری نەکردووە  و ڕەوتی سیاسی ناوبراو کەوتە بەر  پەلاماری دژبەرانە دا .