کۆمەڵی ویفاقی نیشتمانی ئیسلامی بەحرەین ،هەواڵی دا لە تەشەنای زەخت وگوشار بەسەر زانایانای ئەم وڵاتە وهەڕەشەکران لە ژمارەیەک لەوان لە لایەن ڕژێمی ئالی خەلیفە و دەزگاکانی ئاسایشتی بەحرەین

بە پێی ڕاپۆرتی هەواڵدەری فارس ، کۆمەڵی ویفاقی نیشتمانی بەحرەین ، ئەمڕۆ دوشەممە لە بەیان نامەیەکدا وێڕای ڕەخنە گرتان لە چاوپوشی ڕێکخراوی نەتەوەکان بەسەر " ڕاستیی دڵهەژین وترسینەری ژیانی خەڵکی بەحرەین" ڕایگەیاند : پشکێنەرانی وەزاڕەتی ناوخۆ و دەزگە ئاسایشتیەکانی بەحرەین ، ژمارەیەک لە زانایانی لە دوعاکردنی دوای نوێژ وهەرئەوشتەی کە پێوەندی بە ئازادی وئاسایشتی وڵات وبەتایبەت بەندیانی سیاسی هەبێت ، قەدەغە کردووە. کۆمەڵی ویفاق بە ڕاگەیاندنی ئەوەی کە ڕژێمی ئالی خەلیفە بە کەڵک وەرگرتن لە کەرەسە وئامێری سەرکوت ، مافی ئازادی ڕادەربڕین وخۆپێشاندانی لیی وەرگرتوون ، پێداگری کرد: ڕژێمی ئالی خەڵیفە ، بەحرەینی کردووە بە زیندانێکی گەورە ، زیندانێک کە هیچ کەس تیدا ناتوانێ تەنانەت یەک وشە بێنێتە سەر زار. کۆمەڵی ویفاق لەم بەیان نامەیەدا هەروەها وێڕای ڕەخنە وگازەندە لە سەرکوت، قەڵاچوو ، ئەشکەنجە ، ودەسدرێژکاری ڕۆژانە وبێ وەستانی ئەندامانی دەوڵەت ، مەبەستیانی سەرکوت کردنی خەڵکی زانی. بە قسەی ئەم کۆمەڵە بەحرەینیە ، زۆربەی شارومەندانی بەحرەینی لە ئەگەریی دابین بوونی دۆخی ئازادی بیروڕادەربڕین لەم وڵاتە ، بە ئامادە بوون لە مەیدان وشەقامەکان، بە شێوەی ئاشتیانە خوازیاری مافی دادگەرانەی خۆیان دەبن.دوای دەسپێکرانی ناڕەزایەتیەکان لە بەحرەین لە ساڵی ٢٠١١ ، نێزیک بە پێنج هەزار شارومەندی ئەم وڵاتە بە هۆی ڕاگەیاندنی دەنگە سیاسیەکان ، دەسگیر کران ولە زیندانەکانی بەحرەین دان.