سەربازانی رژیمی داگیرکەری زایۆنی رۆژی یەکشەممە جارێکی دیکە هێرشیان کردەسەر ناوچە جیاجیاکانی لێواری رۆژاوای چۆمی ئۆردۆن.

سەربازانی رژیمی زایۆنی لەو پەلامارەدا ، گەنجێکی فەلەستینیان گرت.

سەربازانی زایۆنی هەروەها بەدانانی لەمپەری سەربازی لەسەر شەقامی "جنین-الناصرە" لەباکوری رۆژهەڵاتی جنین لەلێواری رۆژاوایی هێرشیان کردەسەر شوێنە بازرگانیەکان و چێشتخانەکان و وەرشە فەلەستینەکان و سامانی خەڵکیان لەناوبرد.

بەقسەی سەرچاوە خۆجێیەکان، سەربازانی زایۆنی لەکاتی پەلاماردانی ئەو ناوچەیە ، گازی ژەهراویان گرتە خەڵک کە بەهۆیەوە ژمارێک لە خەڵکی سیڤیل تووشی حاڵەتی خنکان و هەناسە تەنگی بوون.

ئێستا٤٨٠٠فەلەستینی لە زیندانەکانی رژیمی زایۆنیدان کە ٢٥٠ کەس لەوان منداڵ و ٤٧ یشیان ژنن.