"محمد ناسر عاتفی" وەزیری بەرەڤانیی حکومەتی سەنعا بە سەرەخۆشی کردنی شەهید بوونی سەرۆکی ئەرکانی گشتیی هێزە چەکدارەکانی یەمەن لە کاربەدەستانی باڵای ئەم وڵاتە ڕاشکاوانە ڕایگەیاند کە لە هەموو گۆڕەپانەکاندا و لە هەموو مەیدانە سەربازییەکاندا ئامادەیی تەواومان هەیە بۆ بەرەنگاربوونەوەی هەر چەشنە دەستدرێژییەکی شیمانەیی.

عاتفی پێیداگرت: شەهید سەرلەشکر محمد عەبدولکەریم ئەلغەماری سەرۆکی خوالێخۆشبووی ئەرکانی گشتی هێزە چەکدارەکانی یەمەن لە کاتی بەجێهێنانی ئەرکە جیهادییەکانی خۆیدا و لە پێناوپشتیوانیکردنی ئاڕمانجی فەلەستین و یارمەتیدانی خەباتکارانی کەرتی غەززە شەهید بووە.ناوبراو وتیشی: شەهید غەمماری هەموو ژیانی خۆی تەرخان دابوو  بە ئەم جیهادە مەزنە و  ئەرکی سەرشانی خۆی بە باشترین شێوە و لە بانترین ئاستدا بەجێهێنا و بێگومان ڕێگا و ڕێبازی ئەو شەهیدە مەزنە هەر بەردەوام دەبێ.