SAHAR

‌ فڕۆکە جەنگییەکانی تورکیا بۆردوومانی ژمارەیەک گوندی له‌ سنوری قه‌زای ئاکرێیان کرد.

 بەپێی زانیارییەکانی میدیای (سپی)،  دوێنێ جارێکی دیکە فڕۆکە جەنگییەکانی تورکیا بەسەختی بۆردوومانی گوندی ئامادای کانی تۆزێی سەر بە ناحیەی دینارتەی سنووری قه‌زای ئاکرێیان کرد.

 تا ئێستا زیانە گیانی و مادیەکانی هاوڵاتیان نەزانراوە، به‌ڵام بۆردومانه‌که‌ش تا ئێستا به‌رده‌وامه‌.

ئێوارەی دوێنێش لە نزیک گوندی بامشمشی سەر بە ناحییەی دینارتەی سنووری قەزایی ئاکرێ، گرژی و ئاڵۆزی لە نێوان پێشمەرگە و  هێزەکانی پەکەکەدا دروست بوو، کە لەشەڕەکەدا ئاڕ پی جی بەکارهاتبوو، بەڵام  ھیچ زیانێکی گیانیی نەبوو.