تورکیا گونده‌کانى بنارى کێسته‌ی بۆردومانکرد
May 09, 2021 00:13 Asia/Tehran
جارێکى تر فرۆکه جه‌نگیه‌کانى تورکیا بۆردومانى گونده‌کانى بنارى کێسته له ناوچه‌ى کانى ماسى له پارێزگاى دهۆک ده‌کات و تا ئێستا زه‌رو زیانه‌کان نه‌زانراوه.
بە پێی ھەواڵێکی میدیای شارپرێس ، سه‌ربه‌ست سابیر به‌ڕێوه‌رى ناحیه‌ى کانى ماسى ڕایگه‌یاند، به‌شێکى زۆر له گونده‌کانى زنارى کێسته به‌هۆى به‌رده‌وامى شه‌ڕو بۆردومانه‌کانه‌وه چۆڵکراون و به‌رده‌وام له‌وناوچه سنوریانه بۆردومان هه‌یه.
به‌ڕێوه‌به‌رى ناحیه‌ى کانى ماسى وتیشى، ئه‌مرۆش بۆردومانى فرۆکه‌جه‌نگیه‌کانى تورکیا هه‌بووه به‌ڵام تا ئێستا زه‌ره‌رو زیانه‌کان نه‌زانراوه.
تورکیا به‌بیانووى چه‌کدارانى په‌که‌که هێرشى زه‌مینى و ئاسمانى بۆ ناوچه جیاجیاکانى هه‌رێمى کوردستان ئه‌نجام ده‌دات و تائێستا حکومه‌تى هه‌رێم هه‌ڵوێستێکى له‌مباره‌یه‌وه ده‌رنه‌بڕیوه.
