فڕۆکە جەنگیەکانی تورکیا سنوورەکانی شیلادزێیان بۆردومان کرد
May 30, 2021 18:59 Asia/Tehran
تورکیا به‌رده‌وامه لە تۆپبارانکردنی ناوچەکانی هه‌رێمی کوردستان و هەر له‌و چوارچێوه‌یه‌شدا ئەمڕۆ سەر لە بەیانیی به فڕۆکه ناوچە سنوورییەکانی شیلادزێی سه‌ر به قه‌زای ئامێدیان تۆپباران کرد.
بەپێی ھەواڵی سپی میدیا ، بەیانی ئەمڕۆ یەکشەممە ٣٠ی ئایار له‌لایه‌ن فڕۆکە جەنگییەکانی تورکیاوه تۆپبارانی دەوروبەری شاخی کوره‌ژارە له سنوری ناحیه‌ی شیلادزێ سەر بە قەزای ئامێدی لە سنووری پارێزگای دهۆک کرا، هاوکات بەهۆی بۆردومانەکەوە دانیشتوانی ناوچەکە ناوچەکەیان چۆڵکردووە.
تا ئامادەکردنی ئەم هەواڵە لەبارەی زەرەر و زیانەکانی بۆردومانەکە هیچ زانیارییەک نەزانراوە و ترس و دڵه‌ڕاوکێی زۆر له‌لای هاوڵاتیانی ناوچەکە دروستبووە.
