لەسەر داوای کۆمسیۆنی باڵای هەڵبژاردنەکانی عێراق، لە 6ی ئەم مانگە تا 11 مانگ لە ناوەندەکانی خوێندن لە ھەرێمی کوردستان دەکرێتە پشوو.

ئالان حەمە سەعید، وەزیری پەروەردەی حکومەتی هەرێمی کوردستان رایگەیاند: "کۆمسیۆنی باڵای هەڵبژاردنەکان داوای کردووە کە چەند رۆژێک زیاتر قوتابخانەکانیان پێبسپیرین بۆ رۆژانی دەنگدان، ئەمڕۆ فەرمانێکی وەزاری لەوبارەوە دەردەچێت، لە رۆژی 6/10/2021 پشووی فەرمی دەبێت تا 11/10/2021، رۆژی 12ی مانگ دەوام دەستپێدەکاتەوە".