کاروانێکی ١٧٦ کەسیی دیکەی کۆچبەرانی کورد لە فڕۆکەخانەی «میسنک»ی بیلاڕوسیاوە گەیشتنەوە هەرێمی کوردستان.

بەرەبەیانی ئەمڕۆ لەڕێگەی دوو فڕۆکەوە، زیاتر لە ٦٠٠ کۆچبەری کورد و عێراقی لە بێلاڕوسیاوە گەڕێندرانەوە ھەرێمی کوردستان و لە فڕۆکەخانەی هەولێر دابەزین.

کۆچبەرە کوردەکان لەلایەن حکومەتی عێراق و هەرێمی کوردستانەوە کارئاسانییان بۆکراوە بۆ گەڕانەوە.

ئەوە دووەم کاروانی کۆچبەرانی کوردە، کە لە سنوورەکانی بیلاڕوسیاوە دەگەڕێنەوە پایتەختی ئەو وڵاتە و پاشان دەگەڕێندرێنەوە بۆ هەرێمی کوردستان.

بەشێک لەو هاوڵاتییانە ئاماژە بە دۆخی سەختی سنوورەکانی نێوان بیلاڕوسیا و پۆڵەندا دەکەن، ئەم کۆچبەرانە ماوەی زیاتر لە مانگێکە لەسەر سنوورەکانن، بەبێ ئەوەی چارەنووسیان ڕوون بێت.