SAHAR

کاتی بڵاوبوونەوە: 13:30

1-

 قسەکانی ئەوروپا سەبارەت بە میکانیزمی پەلەپیتکە نایاساییە

ئولیانۆف، نوێنەری ڕووسیا لە ڕێکخراوە نێودەوڵەتییەکان لە ڤیەننا ڕایگەیاندووە کە قسە و باسەکانی وڵاتانی ئەورووپایی و هەڕەشەی چالاککردنی میکانیزمی پەلە پیتکە  لە دژی ئێران نایاسایی و نابەرپرسیارانەیە

 2-

١٨ نەخۆشخانە لە غەززە چالاکن

تێدرۆس ئەدهانۆم، بەڕێوەبەری گشتیی ڕێکخراوی تەندروستی جیهانی ڕایگەیاند، لە کۆی 36 نەخۆشخانەی غەززە، سوپای ئیسرائیل 18 نەخۆشخانەی لەناوبردووە و چالاکیان نەماوە

3- 

دۆزرانەوەی48 تەرم لە گۆڕێکی بەکۆمەڵ لە غەززە 

بەرگری شارستانی غەززە دۆزینەوەی تەرمی ٤٨ شەهیدی لە گۆڕێکی بە کۆمەڵ لە نزیک نەخۆشخانەی کەمال عەدوان لە باکووری کەرتی غەززەی ڕاگەیاند

 4-

دەمەقڕەێی لە پەرلەمانی ڕژێمی زایونی

 لە کاتی وتاردانی نەتانیاهۆ، سەرۆک وەزیرانی  ڕژێمی زایونی لە پەرلەمان،  دەمەقڕەێی توند لە نێوان ئەو و نوێنەرانی ڕژێم ڕوویدا.

5-

میسر پلانی ئاوەدانکردنەوەی غەززەی پەسەندکرد

لە کۆبوونەوەی سەرانی عەرەبیدا پلانی میسر بۆ ئاوەدانکردنەوەی غەززە پەسەند کرا، هەروەها داوای جێگیرکردنی هێزی ئاشتیپارێز لە غەززە و کشانەوەی داگیرکەران لە غەززەیان کرد.

6- 

چوونەدەری دیموکراتەکان لە کۆنگرێس

وتارەکەی ترەمپ بۆ کۆنگرێسی ئەمریکا دژایەتی و قسەی ناشرینی نوێنەرانی دیموکراتەکانی لێکەوتەوە و بەشێک لە نوێنەرانی دیموکراتەکان لە کاتی وتارەکەیدا لە کۆنگرێس  چوونە دەرەوە

 7-

دواخستنی دانوستانەکان بۆ هەناردەکردنی نەوتی هەرێم 

بەپێی هەواڵی میدیا عێراقییەکان، دانوستانەکان بۆ خێراکردنی دەستپێکردنەوەی هەناردەکردنی نەوت لە  هەرێمی کوردستانەوە، بەهۆی ناکۆکی لەسەر مەرجەکانی نێوان کۆمپانیا نەوتییەکان و وەزارەتی نەوتی عێراق دواخرا.