SAHAR

کاتی بڵاوبوونەوە: 11:30

1-

ئیدانەکرانی تاوانکارییەکانی سوپای ترۆر لە غەززە

سەیید عەبباس عێراقچی وەزیری دەرەوەی ئێران و هاوشانە ئوردونییەکەی لە پەیوەندییەکی تەلەفۆنیدا، پەلامارە تازەکانی رژیمی زایۆنی بۆ سەر غەززەیان شەرمەزار کرد.

2-

شەهادەتی بەرهوم، تاوانێکی دیکەیە لە کارنامەی رژیمی زایۆنیدا

حەماس لە بەیاننامەیەکدا وێڕای پشت ڕاست کردنەوەی هەواڵی شەهیدبوونی ئیسماعیل بەرهوم ئەندامی مەکتەب سیاسیی بزووتنەوەکەی، ئەو جەنایەتەی بەتاوانێکی دیکە لە کارنامەی ڕەشی رژیمی زایۆنیدا ناوبرد. 

3-

ئامادەیی ڕاگەیاندنی یەمەن بۆ داکۆکی لە حیزبوڵڵا

ڕێبەری ئەنساروڵڵای یەمەن وێڕای ڕاگەیاندنی پشتگریی لێبڕاوانەی لە حیزبوڵڵاو خەڵکی لوبنان لەهەمبەر هەرچەشنە دەسدرێژکارییەکی رژیمی زایۆنی، وتی: ئێمە چیدی وەک تەماشاوان نابین.

4-

درێژەی ناڕەزایەتی و تێکهەڵچوون لە تورکیا

تێکهەڵچوونی ناڕازییان لەگەڵ پۆلیسی تورکیا بۆ دەربڕینی ناڕەزایەتی بە گیرانی شارەوانی ئەستەمووڵ لەکاتێکدا لە شارەکانی وەک ئەستەمووڵ و بورسا بەردەوامە کە جەهەپەش پاش بەڕێوەبردنی هەڵبژاردنی ناوخۆی پارتەکەی، ئیمام ئۆغڵووی وەک بەربژێری سەرۆک کۆماریی تورکیا ناساند.

5-

کتێبەکەی ئەردۆغان لەلایەن ناڕازییەک دەدڕێندرێ

هاوکات لەگەڵ پەرەی خۆپێشاندان و تێکهەڵچوونەکان لە تورکیا، چالاکێکی کۆمەڵایەتیی ئەو وڵاتە، کتێبی "جیهانێکی دادگەرانەتر مومکینە"ی ئەردۆغانی لەبەردەم قەنات بوزدوغانی شاری ساراکان دڕاند.

6-

بەڕێوەچوونی ڕێپێوانی رۆژی جیهانیی قودس لە لەندەن

هەزاران موسڵمانی رۆژووگر و چالاکی مەدەنی، لە سەروبەندی رۆژی جیهانیی قودس بە بەڕێوەبردنی ڕێپێوانێکی بەرفراوان لە لەندەن جارێکی دیکە پشتگریی خۆیان لە گەلی فەلەستین ڕاگەیاند.

7-

تەشەنای تێکهەڵچوونەکان لە دەورووبەری بەنداوی تشرین

هەسەدە لە بەیاننامەیەکدا ڕایگەیاند، لە خولی تازەی گرژیی و تێکهەڵچوونەکان لە گردووپەڕی بەنداوی تشرین، شەش کەس لە هێزەکانی تورکیاو میلیشیاکانی جێی داکۆکیی ئەو هێزانە، کوژران.