ڕووداوەکانی جیهان لەسەد چرکەدا 2025/04/01/ هێرشی مووشەکیی سەرایائەلقودس بۆ سەر بنکەی ئاسمانی حەتسەریم
کاتی بڵاوبوونەوە: 11:30
01
هێرشی مووشەکیی سەرایائەلقودس بۆ سەر بنکەی ئاسمانی حەتسەریم
سەرایا ئەلقودس باڵی سەربازیی بزووتنەوەی جەهادی ئیسلامی فەلەستین ڕایگەیاند کە هێرشی موشەکی کردۆتە سەر بنکەی ئاسمانیی حەتسەریم. سەرایا ئەلقودس ڕایگەیاند کە جیا لەو هێرشە موشەکییەی کردوویەتیە سەر بنکەی ئاسمانیی حەتسەریم، شارۆچکە زایۆنینشینەکانی دەوروبەری غەززەیشی مووشەکباران کردووە.
02
ئاوارەبوونەوەی هەزاران فەلەستینی پاش وشدارەکەی ڕژێمی زایۆنی
دوابەدوای ڕاگەیاندرانی ئەوەی ڕژێمی زایۆنی بەمزووانە پەلاماری دوو ناوچەی ڕەفەح و خانیونس لە باشووری غەززە دەدات، دیسانەوە هەزاران فەلەستینی ئاوارە بوون. سوپای ڕژێمی زایۆنی ڕۆژی ڕابردوو وشداری دا بە دانیشتووان و ئاوارەکانی بەشێکی بەربڵاوی باشووری کەرتی غەززە کە بازنەی ئۆپەراسیۆنە سەربازییەکانی لەو ناوچانە بەرفراوانتر دەکات.
03
٩ شەهید و بریندار بە هۆی پەلاماری ئەمریکا بۆ سەر یەمەن
بزووتنەوەی ئەنساروڵڵای یەمەن ڕایگەیاند کە بە هۆی پەلاماری دەسدرێژکارانەی ئەمریکا ٢ یەمەنی شەهید بوون و ٧ کەسی دیکەش برینداربوونە، لەوان منداڵێک. ڕۆژی دووشەممەی ڕابردوو فڕۆکە جەنگییەکانی ئەمریکا ئۆتۆمبێلێکیان لە پارێزگای حەججە پێکا کە بەهۆیەوە دوو کەس شەهید بوون و منداڵێکیش بریندار بوو.
04
پاشەکەوتی نەوتی کەرکووک دەگاتە ٥ ملیار بەرمیل
کۆمپانیای نەوتی بی پی (BP) ڕاپۆرتێکی نوێی سەبارەت بە پەرەپێدانی کێڵگە نەوتییەکانی کەرکوک خستۆتەڕوو کە زانیارییەکانی باس لەوە دەکەن پاشەکەوتی نەوتی ئەم ناوچەیە دەگاتە ٥ ملیار بەرمیل.
05
ژماری قوربانیانی بوومەلەرزەکەی میانمار گەیشتە زیاتر لە ٢هەزار کەس
ژماری قوربانیانی بوومەلەرزە گەورەکەی میانمار بە تەوژمی ٧.٧ پلەی ڕیشتەر گەیشتۆتە دوو هەزار و ٥٦ کەس. بەهۆی بوومەلەرزەکەوە تا ئێستا نزیکەی سێ هەزار و ٩٠٠ کەس بریندار بوون و نزیکەی ٢٧٠ کەسیش بێسەروشوێنن.
