ڕووداوەکانی جیهان لەسەد چرکەدا 2025/04/01/ ئێران: وەڵامی هەر دەستدرێژکارییەکی ئەمریکا و ئیسراییل کوشندە دەبێت
کاتی بڵاوبوونەوە: 13:30
01
ئێران: وەڵامی هەر دەستدرێژکارییەکی ئەمریکا و ئیسراییل کوشندە دەبێت
باڵوێزی ئێران لە نەتەوە یەکگرتووەکان قسە دوژمنکارانەکانی دۆناڵد ترەمپی سەرۆک کۆماری ئەمریکای بە بنپێکەری ئاشکرای مافە نێودەوڵەتییەکان و هەروەها یاسا و ڕێسا سەرەکییەکانی جارنامەی نەتەوە یەکگرتووەکان بە تایبەت بڕگەی ٤ی ماددەی ٢ی ئەم جارنامەیە زانی و وتی: کۆماری ئیسلامی ئێران وشداری جددی دەدات بەرامبەر بە هەر چەشنە پەلاماری سەربازی، و وەڵامی خێرا و کوشندە دەداتەوە بە هەر چەشنە دەستدرێژی یان پەلامارێک لە لایەن ئەمریکاوە.
02
پەلاماری ڕژێمی زایۆنی بۆ سەر باشووری لوبنان ١٠ شەهید و برینداری لێکەوتەوە
بە هۆی بۆردومانکرانی ماڵێکی مەدەنی لە باشووری لوبنان لە لایەن سوپای ڕژێمی زایۆنییەوە ١٠ کەس شەهید و بریندار بوون. لە پەلاماری ئاسمانیی دوژمنی زایۆنی بۆ سەر باڵەخانەیەک لە ناوچە باشوورییەکانی لوبنان ٣ کەس لەوان ژنێک شەهید بوون و ٧ کەسیش بریندار بوون کە دۆخی تەندروستی ٢ کەسیان ناجێگیرە.
03
یەمەن باسی خستنەخوارەوەی درۆنێکی دیکەی ئەمریکای کرد
یەحیا سەریع وتەبێژی هێزە چەکدارەکانی یەمەن ڕایگەیاند: سیستەمی بەرگریی ئاسمانیی ئەم وڵاتە درۆنێکی دەسترێژکاری ئەمریکایی مۆدێلی MQ-9ی لە ئاسمانی پارێزگای مەئاریب بە مووشەکێک خستۆتە خوارەوە. ئەوە شازدەهەمین درۆنی ئەمریکایە کە لە ئۆپەراسیۆنی فەتحی مەعوود و جیهادی موقەددەسدا دخرێتە خوارەوە.
04
یونیسێف: زیاتر لە ١٥٠٠٠ منداڵ لە شەڕی غەززە کوژراون
سندوقی منداڵانی نەتەوە یەکگرتووەکان ناسراو بە یونیسێف لە ڕاپۆرتێکدا ڕایگەیاند: لە دەستپێکی پەلاماری ڕژێمی زایۆنییەوە بۆ سەر کەرتی غەززە تا ئێستا ١٥٠٠٠ منداڵی فەلەستینی شەهید بوون. یونیسێف هەروەها ڕایگەیاندووە کە لەو کاتەشەوە کە ئاگربڕ لە غەززە هەڵوەشێنراوەتەوە لانیکەم 322 منداڵ کوژراون و 609 منداڵی دیکەش بریندار بوون.
05
حەماس: هەزاران کەس ناچار بوون ماڵیان لە ڕەفەح بەجێبێڵن
حەماس لە بەیاننامەیەکدا ڕایگەیاند: ڕژێمی داگیرکەری زایۆنی بە بەردەوامکردنی پەلاماری بێبەزەییانە و جەنایەتە جەنگییەکانی هەزاران کەسی مەدەنی ناچار کردووە کە ماڵ و حاڵی خۆیان لە پارێزگای ڕەفەح بەجێ بێڵن.
