ڕووداوەکانی جیهان لەسەد چرکەدا 2025-04-02 / عەراقچی: دەبێ ڕوون ببێتەوە شتێکمان بە ناوی بژاردەی سەربازی نییە
کاتی بڵاوبوونەوە: 11:30
01
عەراقچی: دەبێ ڕوون ببێتەوە شتێکمان بە ناوی بژاردەی سەربازی نییە
وەزیری دەرەوەی ئێران لە پەیامێکدا لە تۆڕی کۆمەڵایەتی ئیکس نووسی: "ڕاهاتنی دیپلۆماسییانە لە ڕابردوودا کارامەیی خۆی سەلماندووە و هێشتاش هەر دەتوانێت کارتێکەر بێت، بەڵام دەبێت بۆ هەمووان ئەوە ڕوون ببێتەوە کە بە گشتی شتێک بە ناوی بژاردەی سەربازیمان نییە، چ بگات بە ڕێگاچارەی سەربازی.
02
بەقایی: ئەمریکا دەستی هەیە لە جەنایەتەکانی ڕژێمی زایۆنیدا
وتەبێژی وەزارەتی دەرەوەی ئێران بە شەرمەزارکردنی تووندی پەلامارە دەستدرێژکارانەکانی ڕژێمی زایۆنی بۆ سەر لوبنان جەختی کرد: ئەمریکا و لایەنگرانی ڕۆژاوایی دەستیان هەیە لە جەنایەتەکان و هەروەها یاساشکێنییەکانی ئەم ڕژێمەدا.
03
پەلاماری ئاسمانی ڕژێمی زایۆنی بۆ سەر غەززە
ژێدەرە فەلەستینییەکان ڕایانگەیاند: لە درێژەی پەلامارەکانی زایۆنییەکان بۆ سەر غەززە و بۆردومانکردنی ماڵێک لە دەڤەری پۆمپی ئاوشیرینکەری دەیرولبەلەح لە ناوەڕاستی کەرتی غەززە ٣ فەلەستینی دیکە شەهید بوون.
04
پەلاماری ئەمریکا بۆ سەر باکووری ڕۆژهەڵاتی یەمەن
ژێدەرە هەواڵییە یەمەنییەکان ڕایانگەیاندووە: ئەمریکا پارێزگای حەججە لە باکووری ڕۆژهەڵاتی یەمەنی بۆردومان کردووە. لە پەلامارێکی دیکەی ئەمریکایشدا زەبر لە پرۆژە و باڵاخانەی ئاو کەوتووە لە حودەیدە هەڵکەوتوو لە ڕۆژاوای یەمەن، چەند کەسیش شەهید و بریندار بوون.
05
ڕێککەوتنی حەڵەب بەشێک لە پلانی گەڕانەوەی ئاوارەکانی عەفرینە
بەدران چیا کورد لە بەرپرسانی کوردی سوریا وتی: ڕێککەوتنی ئەمدواییەی نێوان ئەنجومەنی مەدەنیی گەڕەکەکانی ئەشرەفییە و شێخ مەقسوودی حەڵەب لەگەڵ حکومەتی کاتی سوریا بەشێک لە پلانێکی بەربڵاوە بۆ گەڕانەوەی ئەمنی ئاوارەکانی عەفرین.
