ڕووداوەکانی جیهان لەسەد چرکەدا 05-04-2025/ پێشوازی ئێران لە پەیمانی دۆستایەتی ئۆزبەکستان و تاجیکستان و قرقیزستان
کاتی بڵاوبوونەوە: 13:30
1-
پێشوازی ئێران لە پەیمانی دۆستایەتی ئۆزبەکستان و تاجیکستان و قرقیزستان
وتەبێژی وەزارەتی دەرەوەی ئێران پێشوازی لە واژۆکردنی پەیمانی دیاریکردنی خاڵی پەیوەست بوونی سنوورەکانی سێ وڵات و بەیاننامەی "خوجەند" سەبارەت بە دۆستایەتی هەتاهەتایی لە نێوان سێ وڵاتی دراوسێی ئۆزبەکستان، تاجیکستان و قرقیزستان کرد
2-
ڕوسیا هەڕەشەکانی ئەمریکا دژبە ئێرانی شەرمەزارکرد
میخائیل ئولیانۆف، نوێنەری هەمیشەیی ڕووسیا لە ڕێکخراوە نێودەوڵەتییەکانی جێگیر لە ڤییەنا، هەڕەشەکانی ترەمپی لە دژی ئێران شەرمەزار کرد و وتی: تاکە ڕێگە بۆ گەیشتن بە ڕێککەوتن لەگەڵ ئێران دیپلۆماسییە.
3-
کۆتایی شەڕی غەززە تاکە ڕێگای گەڕانەوەی ئارامی بۆ ناوچەکە
محەممەد ئەلبەخیتی، ئەندامی مەکتەبی سیاسی بزووتنەوەی ئەنساروڵای یەمەن، کۆتایی هێنان بە شەڕی دژی کەرتی غەززەی بە تاکە ڕێگای گەڕاندنەوەی ئارامی بۆ ناوچەکە زانی
4-
پەلاماری دووبارەی ئەمریکا بۆسەر باکووری یەمەن
شەوی ڕابردوو فڕۆکە جەنگییەکانی ئەمریکا دووجار ناوچەی "کەهلان"یان لە ڕۆژهەڵاتی سەعدە لە باکووری یەمەن بۆردومان کرد.
5-
جەختی دووبارەی عێراق لە سەر پشتیوانی لە فەڵەستین
وەزارەتی دەرەوەی عێراق وێڕای ئیدانەکردنی پەلامارەکانی ڕژێمی ئ زایۆنی بۆ سەر ژمارەیەک هاووڵاتیی مەدەنی لە قوتابخانەیەک لە ڕۆژهەڵاتی غەززە، جەختی لە هەڵوێستی بەردەوامی خۆی لە پشتیوانیکردنی پرسی فەلەستین کردەوە
6-
تێکشکێنرانی ئۆتۆمبیلێکی بۆمبڕێژکراوی داعش لە عێراق
تیمی هەواڵگری ئەمنیی عێراق لە ڕەوتی پەلامارێکی ئاسمانی لە ڕۆژئاوای پارێزگای ئەنبار، تێکشکێنرانی ئۆتۆمبێلێکی بۆمبڕێژکراوی سەر بە تاقمی تیرۆریستی داعشی ڕاگەیاند
7-
خۆپیشاندانی دژە زایۆنیستی لە لیبیا
بە هەزاران کەس لەخەڵکی لیبیا لە میسراتەی لیبیا ڕژانە سەر شەقامەکان و تاوانەکانی ڕژێمی زایۆنیستی لە غەززەیان شەرمەزار کرد و پشتیوانی خۆیان لە ئارمانجەکانی فەلەستین ڕاگەیاند