SAHAR

کاتی بڵاوبوونەوە: 13:30

1-

 دانوستانەکانی ڕۆژی شەممە تاقیکردنەوەی مەبەست و جددییەتی ئەمریکایە

وتەبێژی وەزارەتی دەرەوەی ئێران: دانوستانەکانی ڕۆژی شەممە لە عومان تاقیکردنەوەیەکە بۆهەڵسەنگاندنی مەبەست و جددیەتی ئەمریکا. ئێمە بە وریایی تەواوەوە دەرفەتێکی ڕاستەقینە دەدەین بە دیپلۆماسی، و هیچ پێش داوەرەی و پێشبینییەک ناکەین.

2-

حەماس: ئەوەی لەڕەفەح ڕوودەدات پاکتاوی ڕەگەزییە 

حەماس لە بەیاننامەیەکدا ڕایگەیاند کە بۆردومانی ماڵ و ژێرخانەکانی ڕەفەح  لە لایەن ڕژێمی زایۆنیەوە نیشانەی پەرەسەندنی جینۆساید و پاکتاوی ڕەگەزیی ئەو ڕژیمە لە دژی فەلەستینییەکانە.

3-

پێشێلکردنی ئاگربەستی غەززە  بە پشتیوانی ئەمریکا

سکرتێری گشتیی  ئەنساروڵڵای یەمەن، ڕەخنەی لە پێشێلکردنی ئاگربەستی غەززە لەلایەن ڕژێمی زایۆنی گرت و جەختی لەوە کردەوە کە ڕژیمی زایۆنی بە پشتیوانی ئەمریکا، بەردەوامە لە ئەنجامدانی جینۆساید لە غەززە.   

4-

پەلاماری بە خۆفڕی ڕژێمی زایۆنی بۆ سەر لوبنان

سەرچاوە هەواڵەکان پەلامارێکی  دیکەی فڕۆکەی بێ فڕۆکەوانی  ڕژێمی زایۆنیان بۆ سەر گوندی "عەیتا ئەلشەعب" لە باشووری لوبنان بڵاو کردەوە.

5-

قەدەغەی هاتوچۆ لە باشووری سوریا

 دەزگا ئەمنییەکانی حکومەتی نوێی سوریا  دوای بەردەوامی پێکدادانەکانی نێوان خەڵکی دەوروبەری ڕۆژهەڵاتی دەرعا و هێزەکانی حکومەتی کاتی دیمەشق قەدەغەی هاتووچۆیان لەو ناوچەیە ڕاگەیاند .

6-

 فەیاز: یاسای حەشدی شەعبی بەم زووانە پەسەند دەکرێت

  فالح ئەلفەیاز، سەرۆکی ڕێکخراوی  حەشدی شەعبی عێراق، پەسەندکردنی ڕەشنووسی یاسای پێکهاتەیی ئەم ڕێکخراوەی لەلایەن ئەنجومەنی وەزیرانەوە ڕاگەیاند و وتی، ئێستا ئەم یاسایە پێشکەشی پەرلەمان کراوە.

7-

کەوتنەخوارەوەی کۆپتەرێک لە ئەمریکا

بەگوێرەی ڕاپۆڕتی میدیاکانی ئەمریکا،کۆپتەرێک کەوتۆتە ناو ڕووباری هادسۆن لە شاری نیویۆرک و بەهۆیەوە فڕۆکەوانەکە و پێنج سەرنشینی دیکە گیانیان لەدەستداوە.