SAHAR

کاتی بڵاوبوونەوە: 16:30

1-

عەراقچی: ئەگەر ئیرادەی پێویست هەبێت، بڕیار لەسەر بەردەوامیی دانوستانەکان دەدەین

وەزیری دەرەوەی ئێران پێش دانوستانی ناڕاستەوخۆ لەگەڵ کاربەدەستانی ئەمریکا وتی: ئەگەر لایەنی بەرامبەر لە پێگەیەکی یەکسانەوە بچێتە ناو دانوستانەکان و ئیرادەی پێویست هەبێت، ئێمە بڕیار لەسەر خشتەی کاتی دانوستانەکان دەدەین.

2-

 دەسپێکی دانوستانەکانی ناڕاستەوخۆی ئێران وئەمریکا لە عومان

وتەبێژی وەزارەتی دەرەوەی ئێران بە ئاماژە بە دانوستانە ناڕاستەوخۆکانی نێوان ئێران و ئەمریکا لە عومان جەختی کرد: شاندی ئێران سوورە لە سەر کەڵک وەرگرتن لە  هەموو تواناکانی بۆ پاراستنی هێزمەندی و بەرژەوەندییە نیشتمانییەکانی ئێران

3-

غەززە لە سەرووبەندی برسێتییەکی سەخت دایە

ژولیێت تۆماس، وتەبێژی ئانڕوا ڕایگەیاند، لەگەڵ بەردەوامی گەمارۆدانی غەززە لەلایەن ڕژێمی  زایونیەوە، ناوچەکە لە لێواری برسێتییەکی زۆر سەختدایە.

4-

هاک کردنی کۆمپانیاکانی ڕژێمی زایۆنی

میدیاکان ڕۆژی شەممە  باسی پەلاماری سایبری گروپێکیان کرد  بە ناوی "فاتمیون"   بۆ سەر کومپانیای پۆست و ماڵپەڕی فەرمی کۆمپانیای بەرهەمهێنانی ئامێر و چەکی سەربازی زایونی بە ناوی  "بەڵسان ساسا" .

. 5-

پیدرسۆن: تەلئەبیب یاری بە ئاگر دەکات

گیێر پیدرسۆن، نێردەی تایبەتی نەتەوە یەکگرتووەکان بۆ سوریا، ڕەخنەی لە بەردەوامی دەستدرێژیەکانی ڕژێمی زایۆنی بۆ سەر سوریا گرت و وتی: لە ڕاستیدا تەلئەبیب یاری بە ئاگر دەکات.

6-

عێراق بە وردی چاودێری پرۆسەی ئاشتی تورکیا دەکات

لە پەراوێزی لوتکەی دیپلۆماتیکی ئەنتاڵیا، فوئاد حسێن، وەزیری دەرەوەی عێراق جەختی لە پێویستی چارەسەری سیاسی بۆ قەیرانی سوریا کردەوە و پشتیوانی وڵاتەکەی بۆ پرۆسەی ئاشتی لە تورکیا و سەقامگیری ناوچەکەی ڕاگەیاند. 7-

7-

ڕاگیرانی گواستنەوەی خێزانەکانی داعش بۆ عێراق

سەرچاوە ئەمنییەکانی عێراق ڕاگرتنی پرۆسەی گواستنەوەی خێزانەکانی داعشیان لە کەمپی ئەلهۆڵ لە سوریا بۆ کەمپی ئەلجەدعە لە پارێزگای نەینەوایان  ڕاگەیاند.