ڕووداوەکانی جیهان لەسەد چرکەدا 29-04-2025/ تاوانی ڕژێمی زایۆنیی لە بۆمبارانکردنی خێوەتی ئاوارەکان
کاتی بڵاوبوونەوە: 11:30
١
تاوانی ڕژێمی زایۆنیی لە بۆمبارانکردنی خێوەتی ئاوارەکان
دوێنێ شەو داگیرکەرانی زایۆنیست خێوەتی ئاوارەکان لە باشووری خان یۆنس لە کەرتی غەزەیان بۆمباران کرد کە بووە هۆی شەهید و برینداربوونی کۆمەڵێک خەڵکی بێ تاوان لەوانە ژمارێک منداڵ
٢
چالاکی بەندەری شەهید ڕەجایی دەستپێدەکرێتەوە
سەرپەرشتی ڕێکخراوی بەندەرەکانی ئێران دوێنێ شەو ڕایگەیاند ڕۆژی ڕابردوو 26 کەشتی لە بەندەری شەهید ڕەجایی لەنگریان خستووە و چالاکیی داگرتن و هەڵگرتنی باریان ئەنجام داوە
٣
تێکهەڵچوونی نێوان هێزەکانی جەولانی و دەروزییەکان
ژێدەرە هەواڵییەکان : هێزەکانی سەر بە حکوومەتی جەولانی هێرشیان کردۆتە سەر گەڕەکە دەروزینشینەکانی دەوروبەری دیمەشق و شەڕ لەنێوانیاندا روویداوە
٤
هێرشی ئاسمانی ئەمریکا بۆ سەر سەنعا
فڕۆکە جەنگییەکانی ئەمریکا سەر لە بەیانی ئەمڕۆ بۆ دووهەمین جار هێرشیان کردە سەر یەمەن و لەو هێرشەدا پارێزگای سەنعایان بۆمباران کرد
٥
پارێزگا بوونی هەڵەبجە ئیمزا کرا
بڕیارە ئەمڕۆ لە کۆشکی کۆماریی لە بەغدا عەبدوللەتیف ڕەشید سەرۆک کۆماری عێراق واژۆ لەسەر بە پارێزگا بوونی هەڵەبجە بکات
٦
پڕۆسەی سەرکەوتووی چارەسەر بۆ ئەحمەد تورک
دەم پارتی ڕایگەیاند یەکەم قۆناغی چارەسەریی ئەحمەد تورک سیاسەتوانی ناسراوی کورد و ئەندامی شاندی ئیمڕاڵی، سەرکەوتوو بووە
٧
نیگەرانی ئەوڕووپا لە بەرنامەی تازەی ترامپ
ئەوڕووپا نیگەرانە لەوەی کە ترامپ لە پڕۆسەی دانوستان و ئاشتی نێوان ئۆکڕاین و رووسیا بکشێتەوە و ئەو ئەرکە بۆ کیێڤ و وڵاتانی ئەوڕووپا، بەجێبێڵی
