ڕووداوەکانی جیهان لەسەد چرکەدا 29-04-2025/ شەهید بوونی زیاتر لە ١٤٠٠ کادیری تەندروستیی لە کەرتی غەزە
کاتی بڵاوبوونەوە: 16:30
١
شەهید بوونی زیاتر لە ١٤٠٠ کادیری تەندروستیی لە کەرتی غەزە
بەڕێوبەری نەخۆشخانەیەک لە غەزە ڕایگەیاند سیستەمی دەرمان و تەندروستیی لە غەزە پەکی کەوتووە و تا ئێستا زیاتر لە هەزار و چوار سەد کەس لە کادیرانی کەرتی دەرمان و تەندروستیی لە غەزە شەهید بوونە
٢
دیپڵۆماسیی، باشترین بژاردەیە
بەڕێوەبەری گشتیی ئاژانسی نێودەوڵەتی وزەی ئەتومی لە نەتەوەیەکگرتووەکان ڕایگەیاند هاوکات و بەجیا خەریکی وتووێژ لەگەڵ عێراقچی و ویتکافم و لە ماوەی چەند حەوتوودا دەبێ بگەینە ئەنجام و دیپڵۆماسیی دەتوانێ سەرکەوتوو بێت
٣
یەمەن گۆڕستانی درۆنە ملیۆن دۆلارییەکانی ئەمریکا
لە ماوەی دوو مانگ هێرشی ئەمریکا بۆ سەر یەمەن، لانیکەم حەوت درۆنی ئەمریکا لەناوچوونە و زیانێکی یەکجار قورس، بەر سوپای ئەمریکا کەوتووە
٤
مەسرور بارزانی داوایەکی بافڵ تاڵەبانی ڕەت دەکاتەوە
لە دیداری دوێنێی شاندەکانی پارتی و یە کێتی دا، مەسرور بارزانی داوای بافڵ تاڵەبانی بۆ سەرپشک بوونی یەکێتیی لە پۆستی سەرۆکی هەرێمی ، ڕەت کردەوە
٥
دیداری پارێزگاری هەولێر و جێگری سەرۆک کۆماری ئێران
پارێزگاری هەولێر لە تاران لە دیداری جێگری سەرۆک کۆماری ئێران وێڕای تەئکید لەسەر پەرەی پێوەندی ئابووری و فەرهەنگی لە نێوان هەرێم و کۆماری ئیسلامی ئێراندا، بە فەرمی جێگری سەرۆک کۆماری بانگهێشت کرد تاسەردانی هەرێمی کوردستان بکات
٦
کانادا قەت نابێتە بەشێک لە ئەمریکا
مارک کارنی سەرۆک وەزیرانی نوێی کانادا لە یەکەم لێدوانی خۆیدا، رایگەیاند تەمای ترامپ بۆ لکاندنی کانادا بە ئەمریکا، خەونە و نایەتە دی
