ڕووداوەکانی جیهان لەسەد چرکەدا 13-05-2025/ ناتانیاهۆ : غەزە داگیردەکەین
کاتی بڵاوبوونەوە: 16:30
١
ناتانیاهۆ : غەزە داگیردەکەین
"بنیامین ناتانیاهۆ" سەرۆک وەزیرانی ڕژێمی زایۆنیی، دوێنێ شەو ڕایگەیاند غەزە داگیردەکەین و تاهەتایە کۆنتڕۆڵی ئاسایشیی ئەو کەرتە، بەدەست ئێمەوە دەبێت
٢
ئازادکردنی گیراوی ئەمریکی، ئەنجامیی دیپلۆماسی بوو
بزووتنەوەی خۆڕاگری ئیسلامی حەماس لە بەیاننامەیەکدا رایگەیاند ئازادکردنی "عیدان ئەلێکساندر" گیراوی زایۆنی ئەمریکی، ئەنجامیی پێوەندی لەگەڵ حکوومەتی ئەمریکا و هەوڵی نێوبژیوانان بووە و هیچ پێوەندییەکی بە دەستدرێژی سەربازیی ڕژێمی زایۆنییەوە، نەبووە
٣
بێڕێزی ترامپ بە کولتووری عەرەبستان
فڕۆکەی تایبەتی سەرۆکی ئەمریکا سەرلەبەیانی ئەمڕۆ لە فڕۆکەخانەی ڕیاز نیشتەوە و لەپاشان بۆ پێشوازی لە سەرۆکی ئەمریکا لە کۆشکی شاهانەدا ، کۆپێک قاوە بۆ دۆناڵد ترامپ داندرا، بەڵام نەیخواردەوە و لەسەر مێزەکەی دانا و درێژەی دا بە قسەکانی لەگەڵ "بن سەلمان" و ئەو هەڵسوکەوتەش لە کولتووری عەرەبستانییەکاندا، بە بێڕێزی دێتە ئەژمار
٤
دەبێ زیندانیانی سیاسیی ئازادبکرێن
"سزگین تانری کولوو" پەڕلەمانتاری سەربە جەهەبە، بڕیاری "پەکەکە" بۆ خۆهەڵوەشاندنەوەی بە هەنگاوێکی پڕبایخ و مێژوویی پێناسە کرد، بەڵام هۆشداریشی دا، هاوکات لەگەڵ بەرزکردنەوەی دروشمی ئاشتیی، ناکرێ سەرکوتکاری سیاسیش، بەردەوام بێت
٥
بەرنامەی ناڤۆکی ئێران ناوەستێت
سەرۆکی ڕێکخراوی وزەی ئەتۆمی کۆماری ئیسلامی ئێران جەختی لەسەر ئەوە کردەوە کە بەرنامەی پێشکەوتنیی زانستی ئەتۆمی ئێران ڕوون، ئاشتیانە و بێوەستانە و ڕاشیگەیاند ئێران، بەرنامەی خۆی بە خێراییەکی زیاتر درێژەپێدەدات
٦
زلنسکی ڕێککەوتننامەی ئابووری لەگەڵ ئەمریکای واژۆ کرد
سەرۆکی ئۆکڕاین ڕێککەوتننامەی ئابووریی لەگەڵ ئەمریکای واژۆ کرد و لەمەوبەدوا ، ئەو رێککەوتننامەیە وەک یاسا مامەڵەی پێدەکرێت
