دەسپێبوونی نەبەردی ڕزگار کردنی چیاکانی قەلەموون و عەرسال
شەڕ و پێکدادان بۆ رزگار کردنی چیاکانی "قەلەموون" لە سووریا و چیاکانی عەرسال لە لوبنان لە ژێر چنگی گرووپە چەکدارەکان دەست پێ بووە.
بە پێێ ڕاپۆرتی ڕۆژی هەینیی کەناڵی تەلەڤزیۆنیی "ئەلمەیادین" لەم شەڕ و پێکدادانانەدا کە لەم بەر و ئەوبەری سنوورەکانی لوبنان و سووریا ڕوو دەدات، هێزەکانی سوپای سووریا، حیزبوڵلای لوبنان و سوپای لوبنان دژ بە هێزە چەکدارەکان شەڕ دەکەن.
ناوچە سەرنسورییەکانی نێوان لوبنان و سووریا لە ماوەی ساڵانی ڕابردوودا بوونەتە گۆڕەپانی جم و جۆڵی گرووپە چەکدار و تیرۆریستییەکان بەتایبەت بەرەی نووسرە.
لە چەن ڕۆژی ڕابردوودا هێزەکانی سوپا و خۆڕاگریی لوبنان بە بەزینەوە لە چیاکانی عەرسال و ناوچەکانی دەڤەری ئەو بەرزاییانە، ئامادەی بەڕێوەبردنی ئۆپەراسیۆنی بەربڵاو دژ بە بنکە و حەشارگەکانی تیرۆریستان بوون.
ناوچەی عەرسال لە ڕۆژهەڵاتی لوبنان و نزیک بە سنووری لوبناندا هەلکەوتووە.
بە پەرەسەندنی قەیران لە سووریا و هاوکات لەگەڵ گەیشتنی بەهەزاران پەنابەری سووریایی بە عەرسال، گرووپە چەکدار و تیرۆریستییەکانیش کە زۆربەیان سەر بە بەرەی نووسرە و ژمارێکی کەمتریان سەر بە داعشن لەو ناوچەیەدا سەقامگیر بوونە.
هێزەکانی سوپای لوبنان و هێزەکانی خۆڕاگری بەتایبەت لە یەک ساڵی ئەمدواییەدا بەردەوام هێرشیان کردۆتە سەر بنکە و مەتەرێزەکانی گرووپە چەکدارەکان لە چیاکانی عەرسال و رەئس بەعلبەک و توانیویانە بەشێکی زۆر لە ڕۆژهەڵاتی لوبنان لە بوونی ئەو هێزە تیرۆریستییانە بسڕنەوە.
