سوپای سوریا پەلاماری تاقمی تەکفیری داعش بۆسەر ژومارێک بنکەی سوپا لە دەورووبەری شاری سەخنە لە دەورووبەری بەشی ڕۆژهەڵاتی تەدمور لە پارێزگەی حومس پووچەڵ کردەوە .

بەپێی ڕاپۆرتی هەواڵدەریی ڕادیۆتەلەفزیۆن، سەرچاوەیەکی سەربازیی سوریا وتی :  هێزی ئاسمانیی سوپای سوریا ڕۆژی دووشەممە توانی  کاروانەکانی داعش  کەلە ساراوە بەرەو  شاری سەخنە دەچوون،  تێک بشکێنێ.

ئەم سەرچاوە سورییە  وتیشی :  هێزی سوری لە زەوینیش  لەگەڵ ئەندامانی داعش تێکهەڵچوون و توانیان  پەلاماری  تیرۆریستەکان بۆسەر سەخنە بێ ئاکام بکەنەوە  .

هێزی سوپای سوریا هەروەها توانیان  لە ڕۆژاواوە بەرەو ناوچەی  قەریتین لە بەشی دەوروبەری ڕوژهەڵاتی حومس دزە بکەن و تیرۆریستانی داعش  بخەنە ژێر گەمارۆ  و بایکۆتی خۆیانەوە.

ئۆپراسیۆن لە قوڵایی  سارای سوریا  لەحاڵێکدا بەڕێوە دەچێت  کە هەڵمەتی سەربازی و پەلاماری ئاسمانی سوریا و ڕوسیا بۆسەر دەورووبەری شاری دەیروزووریش درێژەی هەیە.

سەرچاوەکانی سەربازی سوریا ڕایانگەیاند : هێزی ئاسمانیی سوریا  پەلاماریان کردەسەر هەندێ بنکەی داعش و مەتەرێزەکانیان لە هێڵی پێوەندی نێوان پارێزگەی دەیروزوور و شاری مەیادین لە  ڕوژهەڵاتی سوریا.