ئەنجومەنی سەربازیی منبەج هەڵکەوتوو لە باکووری سوریا ڕایگەیاند کە نەیاری هاتنی هێزی سەربازیی تورکیا بۆ ئەم شارەیە.

بە پێی ڕاپۆرتی ڕۆیتێرز؛ پاش ڕێککەوتنی واشینگتۆن و ئانکارا سەبارەت بە چۆنیەتی کۆنترۆڵ کردنی منبەج، وتەبێژی ئەنجومەنی سەربازیی منبەج ئەو ڕێککەوتنەی بە نایاسایی زانی.

پێشتر ئەنجومەنی سەربازیی منبەج لە بەیاننامەیەکدا، بە ڕاگەیاندنی ئەوەی کە لە وردیاتی ڕێککەوتنی نێوان ئەمریکا و تورکیا ئاگادار نییە، ئەو ڕێککەوتنەی بە گەرەنتییەک بۆ پاراستنی ئاسایش و قەڵغانێک بەرامبەر بە هەڕەشە و مەترسییە بیانییەکان وەسف کردبوو.

ڕۆژێک پاش وتووێژەکانی ئەمریکا و تورکیا سەبارەت بە شاری ستراتژیکی منبەج لە باکووری سووریا، شەڕڤانانی کوردی سووریا ڕۆژی سێشەممە ڕایانگەیاند کە هێزەکانیان لەم شارە دەبەنە دەرەوە.

تورکیا کە ڕوانگەیەکی نگەتیڤی بەرامبەر بە بوونی کوردی سووریا لە سنوورەکانی خۆیدا هەیە، پاش وەدەرنانی هێزە کوردییەکان لە ناوچەی عەفرینی سووریا، بەردەوام جەختی کردووە کە ئۆپەراسیۆنەکەی خۆی بەرەو شاری منبەج پەرە پێ دەدات.

ئەمریکا هەروەک فەرەنسا هێزی سەربازیی خۆی لە منبەجی سووریا سەقامگیر کردووە.