خەڵکی سووریا نیوەڕۆی ئەمڕۆ هەینی بۆ لاگری لە گەلی بێ دەرەتانی فەلەستین و بۆ نەیاریەتی لە گەڵ کردەوەکانی دەسدرێژکارانەی ڕژیمی زایونی لە دیمەشق ڕێپێوانێکی بەربڵاویان بەڕێوە برد .

بە گوێرەی ڕاپۆڕتی  هەەواڵدەریی فارس و بە گێڕانەوە  لە هەواڵدەریی سانا  خەڵکی سووریا  ئەمڕۆ  هەینی لە ڕۆژی جیهانی قودس لە  بازاڕی  ئەلحەمیدیە  بەرەو مزگەوتی  ئەلئومەوی   دیمەشق  ڕێپێوانیان کرد . لە هەمان حاڵدا  خەڵکی یەمەنیش  ئەمڕو   هەینی بە بۆنەی  ڕۆژی جیهانیی قودس  لە پارێزگاکانی سەنعا حودەیدە و سەعدە   ڕێپێوانێکی پڕ شۆریان بەڕێوە برد.  ئەو ڕێپێوانگەلە  لە کاتژمێر چواردە و سی و سێ خولەک بە کاتی سەنعا دەستی پێ کرد .

 دوایین هەینیی  مانگی ڕەمەزانی پیرۆز لە سەردەست و بە داهێنانی  حەزرەتی ئیمام خومەینی (ڕە) بناغەدانەری مەزنی کۆماری ئیسلامیی ئێران  وەک ڕۆژی جیهانیی قودس ناودێری کراوە بۆ ئەوەی موسوڵمانانی سەرتاسەری  جیهان  ڕق و بێزاریی خۆیان بەرامبەر بە سیاسەتەکانی ڕەگەز پەرەستانەی  ڕژیمی زایونی  دەر ببڕن .  ڕێپێوانی ڕۆژی جیهانیی قودس  ئەمڕۆ هەشتەمی ژوئەن و لە دوایین  هەینیی مانگی ڕەمەزانی پیرۆز هاوکات لە گەڵ ئێران  لە وڵاتانی دیکەی جیهانیش  بەڕێوە چوو.