سەرچاوەکانی سوری باسی توندبوونی تێکهەڵچونی جەماوەری لە دوو شارۆچکەی گەمارۆدراوی فوعە و کەفەریایان کرد لە دەورووبەری بەشی باکووری پارێزگەی ئەدلیب لەگەڵ تاقمی تیرۆریستیی تەحریری شام و ئەندامانی سەربەوان .

بەپێی ڕاپۆرتی ئیرنا،  هەوڵی  سەرلەبەیانی ڕۆژی یەکشەممەی ئەندامانی تاقمی تیروریستیی  تەحریری شام  بۆ دزەکردنە نێو  دوو شارۆچکەی شیعە نشینی فوعە و کەفەریا لە دەورووبەری ئەدلیب  لەبەر خۆڕاگری  هێزی جەماوەری بەرەوڕووی شکست بووەتەوە و ژومارێکی زۆر لە تیرۆریستانیش کوژران و یان بریندار بوون.

بەپێی ئەم ڕاپورتە  تیرۆریستانی تەحریری شام  دوای  ئەوەی زیانێکی زۆریان وێ کەوت و خەسارێکی زۆریان بینی  ناچار بوون پاشەکشە بکەن .

دوای داگیرکرانی شار و پارێزگەی ئەدلیب لە باکووری ڕۆژاوای  سوریا هاوسنوور لەگەڵ تورکیا لە لایەن تیرۆریستانی تەکفیری، دوو شاروچکەی فوعە و کەفەریا کە لە دە کیلومەتری  باکووری شاری ئەدلیب دایە لە بیست و هەشتەمی مانگی مارسی 2015ەوە  بە تەواوی لەلایەن تیرۆریستانەوە گەمارۆ دراوە و ڕۆژانە دەکەوێتە بەر پەلاماری بە هاوەن.

بیست و هەشتەمی مارسی ساڵی 2015  چواردە هەزار تیروریست  کە لە تورکیا  کۆبوونەتەوە و فێرکراون و تەیار بوونە،  بە پەلامارێکی قورس  پارێزگەی ئەدلیبیان  داگیرکرد.