هۆی هەڵاتنی کڵاوسپییەکان لە سووریا
نوێنەری ڕووسیا لە یەکێتیی ئەورووپا وتی: کڵاوسپییەکان لە ترسی لەقاودرانی جەنایەتەکانیان لە سووریا،هەڵاتوون.
"ڤیلادمیر چیژۆف" نوێنەری هەمیشەیی ڕووسیا لە یەکێتیی ئەرووپا ڕۆژی چوارشەممە لە بەیاننامەیەکدا ڕایگەیاند: چوونەدەری کڵاوسپییەکان لە سووریا دوابەدوای ڕاگەیەندرانی لێبووردنی گشتی سەلمێنەری ئەوەیە کە ئەوان لەوە دەترسن جەنایەتی زیاتریان لێ بکەوێتە دەر.
ئەمدواییە سەدان کڵاوسپی لە سووریاوە گوێزرانەوە بۆ فەلەستینی داگیرکراو و ئەردەن ، هەروەها وڵاتانێکی وەک ئەڵمان و فەرەنسایش لە ماوەی چەن رۆژی رابردوودا ئامادەییان دەربڕیوە بۆ وەرگرتنی زیاتر لە سێ هەزار کەس لە ئەندامانی ئەم گرووپە.
ڕۆژنامەی تێلگراف چاپی بەریتانیا، ڕایگەیاندووە لە ئیمارات و بەریتانیا دابین کەرانی سەرەکیی بارەبووی کڵاوسپییەکان بوونە.
بە تەشەنەی قەیران و شەڕ لە سووریا، گرووپێک بە ناوی کڵاوسپییەکان ساڵی ٢٠١٣ لە لایەن ئەمریکا و بەریتانیاوە پێکهات. فەرمانبەرێتیی ئەم گروپە یارمەتیدانی ئەو خەڵکە ڕاگەیەندرا کە لە ژێر دەستی تیرۆریستان لە ناوچە جۆربەجۆرەکانی سووریادا دەژیان.
