پەلاماری تاقمە چەکدار و تیرۆریستەکان بۆسەر ناوچەکانی هێور لە شاری حەڵەب لەباکووری سوریا بووە هۆی کوژران و بریندار بوونی نۆ کەس .

بەپێی  ڕاپۆرتی ڕۆژی پێنج شەممەی هەواڵدەریی سپوتنیک، لە پەلاماری  بە هاوەنی تیرۆریستان بۆسەر شاری حەڵەب، چوار کەس کوژران و پێنج کەسیش بریندار بوون . 

بەپێی ڕاگەیاندنی سەرچاوەکانی خۆجێیی ، ئامانجی پەلامارە تیرۆریستییەکان، مەیدانی ناوەندیی شاری حەڵەب  و دەورووبەری ڕێکخراوی ئاوی ناوچەی ڕۆژاوایی ئەم  شارە بوو  . 

تاقمە چەکدار و تیرۆریستەکان دووڕوژ لەمەوبەریش  ناوچەی  حەمدانییە لە شاری حەڵەبیان دابووە بەرپەلامار کە بە هۆی ئەم پەلامارە   لانیکەم  دوو کەسی سیڤیل کوژران و حەوت کەسی دیکەش بریندار بوون  . 

 بەرلەمە،  هەواڵدەریی ڕەسمی سوریا "سانا"  شازدەی ژووئیەی  ساڵی 2018  باسی پەلاماری مووشەکی ڕژێمی زایۆنیستی بۆسەر بنکەیەکی سەربازی کرد لە دەوروبەری  شاری حەڵەب . 

پەلاماری تیرۆریستان بۆسەر حەڵەب  لەحاڵێکدا ئەنجام بوو کە دەوڵەتی سوریا لە چوارچێوەی  بەشێک لە بەرنامەی  دنەدانی  گەڕاندنەوەی ئاوارەکان،  هەوڵی بنیات نانی  ژێرخانەکان لە حەڵەبی دەست پێکردووە.

کاربەدەستانی پارێزگاریی حەڵەب ڕایانگەیاند: ئەم بەرنامە سێ قۆناخییە داگری  ئامادەکردنی ژێرخانەکان، دابین کردنی یارمەتیی ئامانجدار بۆ بنەماڵەکان و گەڕاندنەوەی ئاوارەکان بۆ ناوچەکە و مسۆگەرکردنی  ئاسایش و هێورییان لە حەڵەب .