وەزیری بەرەڤانی وپشتیوانی هێزە چەکدارەکانی ئێران بە ئاماژەدان بە ڕێککەوتن نامەی هاوکاری بەرەڤانیانەی ئێڕان وسووریا وتی: ئەم ڕێککەوتن نامەیە داگری بنیات نانەوەی سوپا وپیشە سازی بەرەڤانیانەی سووریا بۆ بە دەسەڵات گه یشتنی هەمدیسانی ئەم وڵاتەیە وئێرانیش لەم بوارەدا بەشداری دەکات.

ئەمیر سەرتیپ" ئەمیر حاتەمی " وەزیری بەرەڤانی وپشتیوانی هێزە چەکدارەکانی ئێران و" عەلی ئەیوب " وەزیری بەرەڤانی سووریا ڕۆژی یەکشەممە دوای وتووێژی دوولایەنە ودیدار وچاوپێکەوتن لەگەڵ بەشار ئەسەد سەرۆک کۆماری سووریا ، بەڵگە وسەنەدی ڕیککەوتن نامەی هاوکاری بەرەڤانیانەی نێوان دوو وڵاتیان واژۆ کرد. ئەمیر سەرتیپ " ئەمیر حاتەمی " ڕۆژی دوشەممە لە وتووێژ لەگەڵ کەناڵی تەلەفیزیۆنی " ئەلمەیادین" پیداگری کرد: ئێڕان هۆگری هەیە ، پێوەندی دوستانە وبرایانە لەگەڵ دراوسێکانی خۆی ووڵاتانی ناوچە هەبێت ، چونکە ئەمنیەتی ناوچە تەنیا بە هاوکاری وبەشداری ئە م وڵاتانە دێتە دی سەرتیپ حاتەمی وتی: ئەمنیەتی ناوچە ناتوانێ لە لایەن وڵاتانی بیانی  کە هیچ پێوەندیەکیان لەگەڵ ناوچە نیە ، دابین بکرێت ووڵاتانی ناوچە بە هاوکاری یەکتر نابێ ئیزن بدەن کە کەسانی تر لە کاروباری ناوچە دەسوەردان بکەن و پێشبڕکیی چەکەمەنی لەگەڵ یەکتر دەس پێبکەن . وەزیری بەرەڤانی ئێڕان هەروەها بە ڕاگەیاندنی ئەمەکە حێزبۆڵای لوبنان پێشینەی دەرەوشاوەی لە ڕووبەڕوو بوونەوە لەگەڵ داگیر کەران وبەرەڤانی لە لوبنان هەیە وتی: حێزبۆڵڵا ئەمڕۆ لە بواری سیاسی وبەرەڤانی زۆربەهێزە ودەوری زۆر کاریگەری لە لوبنان هەیە . وەزیری بەرەڤانی وپشتیوانی هێزە چەکدارەکانی کۆماری ئیسلامی ئێران ، رٶژی ڕابردوولە سەرووی شاندێکی سەربازی بۆ سەفەریکی دوو ڕۆژە چوو بۆ سووریا ولەگەڵ بەشار ئەسەد سەرۆک کۆمار وعەلی ئەیوب وەزیری بەرەڤانی سووریا دیدار ووتووێژی کرد.