ته‌مووز 06, 2020 07:26 Asia/Tehran
  • چەکدارانی سەر بە تورکیا عەین عیسا و گرێ سپییان تۆپبارانکرد

چەکدارانی گروپە چەکدارییەکانی سەر بە ئەنقەرە، هەریەک لە شارەکانی عەین عیسا و گرێ سپییان لە باکووری رۆژهەڵاتی سوریا تۆپبارانکرد .

ژانسی هەواڵیی نۆرت پرێس رایگەیاند،  شەوی رابردوو  گروپە چەکدارییەکانی سەر بە تورکیا لە سوریا، ناوچەکانی دەوروبەر و ناو شارەکانی گرێ سپی و عەین عیسایان تۆپبارانکردووە .

بەگوێرەی زانیاریی سەرچاوەکانی ناوخۆ لە  ناوچە کوردنشینەکانی سوریا ، هەریەک لە گوندەکانی حوڕیە، کۆر حەسەن لەگەڵ سایلۆکانی قازەلی لە گرێ سپی تۆپبرانکراون، لەگەڵ گوندی هۆشان خەبری لە سنوری عەین عیسا.

 بە شێوەیەکی بەردەوام و رۆژانە، گوندەکانی سەر بە عەین عیسا، گرێ سپی و تەلتەمر بە چەکی سوک و قورس لەلایەن چەکدارانی سەر بە ئەنقەرە و هێزەکانی تورکیاوە هێرشیاندەکرێتەسەر و بۆردوماندەکرێن.

سەرجەم ئەو هێرشانەش لە چوارچێوەی لەشکرکێشییەکانی تورکیادایە بۆ سەر تەواوی ناوچە کوردییەکانی سوریا، وێڕای هێرشە  ئەو وڵاتە و پێشێلکارییەکانی بۆ سەر ناوچە سنورییەکانی هەرێمی کوردستان.

بۆچوونت