سەرچاوەکانی سووری باسی تەقینەوەی ترۆمبیلێکی بۆمب ئاخنکراویان کردووە لە پارێزگای «حەسەکە»ی باکووری ڕۆژھەڵاتی سووریا.

بە پێی ڕاپۆرتی کەناڵی ئەلئەخباریە،  ترۆمبیلێکی بۆمب ئاخنکراو ڕۆژی پێنج شەممە لە بازگەیەکی تاقمی تیرۆریستیی « شورتە مەدینە» سەربە تورکیا لە پارێزگای «حەسەکە» تەقییەوە کە لە ئەنجام دا چەند تیرۆریست کوژران و بریندار بوون.

ھێشتا ژمارەی ڕێکی کوژراوان و بریندارانی ئەم تەقینەوەیە ڕوون نییە.

چەکدارانی تیرۆریستی سەربە ئەمریکاو تورکیا بە شێوەیەکی نایاسایی لە باکوورو باکووری ڕۆژھەڵاتی سووریا مۆڵ دراون و خەریکی تاڵان و بڕۆی سەرچاوەکانی ئەم وڵاتەو بە تایبەتی سەرچاوە نەوتییەکانن.