کاتی ھەڵبژاردنی سەرۆک کۆماریی سوریا دیاریکرا
نیسان 18, 2021 16:36 Asia/Tehran
سەرۆکی پەرلەمانی سوریا کاتی بەڕێوەچوونی ھەڵبژاردنی سەرۆک کۆماریی لەم وڵاتەی دیاری کرد .
بە پێی راپۆرتی روسیا ئەلیەوم ، حەمودە سەباغ سەرۆکی پەرلەمانی سوریا ئەمڕۆ رایگەیاند ، ھەڵبژاردنی سەرۆک کۆماریی سوریا لە دەرەوەی ئەم وڵاتە سی مانگی بانەمەڕ ( بیستی ئایار) و لە نێوخۆی وڵاتیش پێنجی جۆزەردان ( 26 ی ئایار ) بەڕێوەدەچێت .
سەباغ لە بەربژارانی پۆستی سەرۆک کوماریی ویست لە ماوەی دە رۆژدا ، لە 19 ی نیسان تا 28 ی ئەم مانگە داوای خۆیان بدەن بە دادگای باڵای یاسای بنەڕەتیی ئەم وڵاتە .
سەرۆکی پەرلەمانی سوریا ھەڵبژاردنی سوریای زۆر بە گرنگ زانی و لە سوریاییەکانی دانیشتووی دەرەوەشی ویست بەشداریەکی بەرفراوانیان لەم ھەڵبژاردنەدا ھەبێت .
