دادگای باڵای یاسای بنەڕەتیی سوریا لەسەر بەڕێوەچوونی ھەڵبژاردنی سەرۆک کۆماریی ئەم وڵاتە بە ئامادەبوونی سێ بەربژێری لەپێشدا راگێندراو جەختی کردەوە .

بە پێی راپۆرتی ھەواڵدەریی ئیرنا ، محەمەد جیھاد ئەللیحام ، سەرۆکی دادگای باڵای یاسای بنەڕەتیی سوریا ئەمڕو لە پرێس کۆنفڕانسێک دا لیستی دواجاری بەربژارەکانی سەرۆک  کۆماریی ئەم وڵاتەی دوای لێکدانەوەی سکاڵای بەربژێرە رەتکراوەکان راگەیاند کە بە گوێرەی ئەوە ،  «عبدالله سلوم عبدالله»، «بشار حافظ اسد» و «محمود احمد مرعی» سێ بەربژێری ئەم ھەڵبژاردنەن . 

محەمەد جیھاد ئەللیحام گوتیشی : مەرجەعی گشتیی دادگای باڵای یاسای بنەڕەتیی سوریا سکاڵای بەربژێرە رەتکراوەکانی بە ھۆی پێشکەش نەکردنی بەڵگەی نوێ کە بتوانێ بانگەشەی ئەوان بسەلمێنێ ، رەتکردەوە . 

بە وتەی نابراو ، دادگای باڵای یاسای بنەڕەتیی سوریا لە 16 تا 24ی ئایاری بۆ دەسپێکی ھەڵمەتی ھەڵبژاردن دیاریکردووە و لە سێشەممە 25 ی مانگی ئایارەوە بنکەکانی ھەڵبژاردن بۆیان  نیە چالاکیی پڕۆپاگەندەیی بکەن . 

ھەڵبژاردنی سەرۆکایەتی سوریا 26 ی ئایاری ئەمساڵ بەڕێوەدەچێت .