بەڕێوەبەریی کوردانی سوریا 19 ژن و منداڵی داعش ڕادەستی ئەلبانیا دەکاتەوە
ئاب 01, 2021 16:04 Asia/Tehran
حکوومه‌تی ئه‌لبانیا ڕایگه‌یاند 5 ژن و 14 منداڵی کامپی هۆڵ له سووریا وه‌رده‌گرنه‌وه.
بەپێی هەواڵی کوردپرێس، ئیدی راما سه‌رۆک وه‌زیرانی ئه‌لبانیا، رایگه‌یاندووە، چواردە منداڵ و پێنج ژن له که‌مپی هۆڵ دەگەڕێننەوە بۆ ئه‌لبانیا که پێشترله سووریا و عێراق په‌یوه‌ندییان به گرووپه تیرۆریستییه‌کانه‌وه کردووه .
سه‌رۆک وه‌زیرانی ئه‌لبانیا ئه‌وه‌شی خسته‌ڕوو، وه‌زاره‌تی ناوخۆی ئه‌لبانیا و دامه‌زراوه هه‌واڵگرییه‌کانی دیکه، هەوڵ دەدەن بۆ دووباره رێکخستنه‌وه‌ی په‌نابه‌ره ئه‌لبانیه‌کان و گێڕانه‌وه‌یان بۆ وڵاته‌که‌یان.
کامپی هۆڵ یه‌کێکه له گه‌وره‌ترین کامپه‌کانه له باکووری ڕۆژهه‌ڵاتی سووریا که خێزان و ئه‌ندامانی داعشی و زیاتر له 60 هه‌زار هاوڵاتی سووری و هه‌ڵگرانی ره‌گه‌زنامه‌ی جۆراوجۆری وڵاتانی جیهانی تێدایه.
