ڕوودانی چەند تەقینەوەیەک لە مۆڵگەی لەشکریانی ئەمریکی لە «دێرۆزوور»ی سووریا
ئاب 16, 2022 04:18 Asia/Tehran
سەرچاوە ھەواڵییەکان سەرلەبەیانیی ڕۆژی سێ شەممە باسی بیسترانی چەند زرمەیەکیان کردووە لە نێو مۆڵگەی لەشکریانی ئەمریکی لە پارێزگای «دێرۆزوور»ی ڕۆژھەڵاتی سووریا.
بە پێی ڕاپۆرتی ھەو.اڵدەریی ئێران پرێس، کەناڵی ھەواڵیی «سابرین» سەرلە بەیانیی ڕۆژی سێ شەممە ڕایگەیاند: زرمەی چەند تەقینەوەیەک لە بنکەی لەشکریانی ئەمریکی لە ھەرێمی نەوتیی «ئەلعومەر» ھەڵکەوتوو لە پارێزگای «دێرۆزوور»ی ڕۆژھەڵاتی سووریا بیستراوە.
ھێشتا لە بارەی زیانە شیمانەییەکانی ئەم تەقینەوانە ھیچ ڕاپۆرتێکی ئەوتۆ بڵاو نەبووەتەوە.
بنکە نایاساییەکانی ئەمریکا لە سوریا لە ماوەی مانگەکانی ئەم دواییە چەندین جار بووە بە ئامانجی ھێرشی موشەک و ھاوەن.
