دیمەشق: هێرش بۆ سەر مزگەوتی ئەقسا، ھەوێنی ئاپارتایدیی داگیرکەران ئاشکرا دەکات
وەزارەتی دەرەوەی سوریا هێرشی بەردەوامی شارۆچکەنشینە زایونییەکان بۆ سەر مزگەوتی ئەقسای بە سەرچاوەگرتوو لە ھەوێنی ئاپارتایدی و تیرۆریستییی داگیرکەرانی زانی .
بە پێی ڕاپۆرتی ڕۆژی پێنجشەممەی هەواڵدەریی تەسنیم، وەزارەتی دەرەوەی سووریا بە بڵاو کردنەوەی بەیاننامەیەک ھێرشی بەربڵاوی شارۆچکەنشینەکان بۆ سەرمزگەوتی ئەقسای ئیدانەکردو بە توندیش لە بێدەنگەلێکردنی کۆمەڵگای نێودەوڵەتی سەبارەت بە تاوانەکانی داگیرکەران و بەردەوامیی پشتیوانیی ڕۆژاوا لە زایۆنییەکان ڕەخنەی گرت .
لە بەیاننامەی وەزارەتی دەرەوەی سوریادا هاتووە: دیمەشق ئەم پێشێلکارییە یەک لە دوای یەکانەی دژی نەتەوەی فەلەستین بە پێشێلکردنی یاسا نێودەوڵەتییەکان و مافەکانی مرۆڤ دەزانێت و داوا لە کۆمەڵگەی نێودەوڵەتی دەکات بەرپرسیارێتیی ئەخلاقیی خۆی بەرامبەر بە ڕژێمی زایۆنی بۆ ڕاگرتنی ئەم هێرشانە کە لە سروشتی ئاپارتایدی و تیرۆریستیی داگیرکەرانەوە سەرچاوە دەگرێت، نیشان بدات .
چڕبوونەوەی پێشێلکردنی مافی موسڵمانان لەمەڕ بەڕێوەبردنی ڕێوڕەسمی ئایینی لە یەکەم قیبلەی موسڵمانان لە مانگی پیرۆزی ڕەمەزاندا لەلایەن ڕژێمی زایۆنی، ڕەخنەی کۆڕوکۆبوونەوە ناوچەیی و نێودەوڵەتییەکانی بەدوای خۆیدا هێنا.
