سوریا: رژیمی زایۆنی، ناوچە بەرەو هەڵدێر دەبا
وەزارەتی دەرەوەی سوریا وێڕای شەرمەزارکردنی دەسدرێژکاریی رۆژی یەکشەممەی ڕژیمی زایۆنیستی بۆسەر ئەو وڵاتە، ڕایگەیاند کە جەنایەتەکانی ئەو رژیمە، ناوچە بەرەو هەڵدێرێکی مەترسیدار دەبا.
وەزارەتی دەرەوەی سوریا لە بەیاننامەیەکدا ڕایگەیاند: دەسدرێژکاریی بەردەوامی رژیمی زایۆنیستی بۆسەر خاکی سوریاو وڵاتانی دیکەی ناوچەو درێژەی دەسدرێژکاریی دڕندانەی سەر دانیشتووانی کەرتی غەززەو کۆمەڵکوژیی و ژینۆسایدی گەلی فەلەستین، نیشانەی هەوڵی چڕی ئەو رژیمە فاشیستی و خوێن ڕێژەیە بۆ ئاژاوەنانەوەی زیاتر لە ناوچەداو پاڵ پێوەنانی بەرەو هەڵدێرگەلی مەترسیدار کە شوێنهاتەکانی، پێش بینی نەکراو دەبێ.
لەو بەیاننامەدا هاتووە: سوریا جەخت لەوە دەکاتەوە کە پشتگری و پاڵپشتیی بێ سنوری ئەمریکاو وڵاتانی دیکەی رۆژاوایی، رژیمی زایۆنیستی بەرەو دەسدرێژکاریی و جەنایەت کردنی زیاتر هان دەدا، ئەو وڵاتانە تێیدا هاوبەشن و دەبێ سزا بدرێن.
بەپێی ئەو بەیاننامە، وەزارەتی دەرەوەی سوریا، دەسدرێژکاری رۆژی یەکشەممەی رژیمی زایۆنیستی بەتوندی شەرمەزار دەکاو لەحاند بێ دەنگەکردنی نێونەتەوەیی و کۆمەڵگای جیهانی لەهەمبەر ئەو دەسدرێژیکردنە کە دژ بەهەموو یاساوڕێسا نێودەوڵەتییەکانە، وشداریی دەداو داوا لە هەموو وڵاتان دەکا، ئیدانەی بکەن و لەگەڵ دەوڵەتی سوریا، هاودەنگی ڕابگەیێنن و لەپیناو ڕاگیرانی دەسدرێژکاریی و تاوانگەلی ئامانجمەندی ئیسرائیل و سزادرانی سەرۆکانی ئەو رژێمە، هەوڵ بدەن.
