پەلاماری درۆنیی ڕژێمی زایۆنی بۆ سەر دیمەشق
ژێدەرە سورییەکان باسی پەلاماری تازەی ڕژێمی زایۆنییان کردووە بۆ سەر دیمەشق.
ئەم ژێدەرانە ڕایانگەیاندووە کە دەنگی تەقینەوەگەلێک لە دیمەشق و دەڤەری ئەم شارەی پێتەختی سوریا بیستراوە کە هۆکارەکەیان پەلاماری درۆنیی ئیسراییل بووە بۆ سەر یەکێک لە بنکە سەربازییەکانی سوریا لە دەڤەری دیمەشقدا.
ژێدەرە سوورییەکان هەروەها ڕایانگەیاند: دەنگی تەقینەوەگەلێک کە لە دەڤەری ڕۆژهەڵاتی پارێزگای تەرتووس لە قەراخ ئاوەکانی سوریاوە بیستراوە، بە هۆی ئەو پەلامارەی بووە کە ئیسراییل کردوویەتییە سەر بنکەیەکی سەربازیی سووری کە چەک و کەرەستەی جەنگی تێدا ڕادەگیردرێت.
بە ڕووخانی حکومەتی بەشار ئەسەد و دەسەڵات گرتنە دەستی بەرهەڵستکارانی چەکدار، سوپای ڕژێمی زایۆنی ئێستایش هەر خەریکی بنپێکردنی ڕێککەوتننامەی "وازهێنان لە شەڕ"ی ١٩٧٤ و پەلاماردانی ناوەند و بنکەگەلێکی ستراتژیک لە خاکی سووریادایە.
