شەڕی هەسەدە و هێزەکانی سەر بە تورکیا لە پردی قەرەقوزاق
لە شەڕ و پێکدادانی نێوان هێزەکانی هەسەدە و ملیشیاکانی سەر بە تورکیا ٨ ملیشیای سەر بە ئانکارا لەوان فەرماندەیەکی ئەم هێزانە کوژران.
هێزەکانی سووریای دیموکراتیک ناسراو بە هەسەدە ڕایگەیاندووە کە ئۆپەراسیۆنگەلێکیان لە وەڵام بە پەلامارەکانی سوپای تورکیا و میلیشیاکانی سەر بەم وڵاتە بۆ سەربەنداوی تشرین و دەڤەری منبج بەڕێوە بردووە و ڕایگەیاند کە ٨ میلیشیا لەوان فەرماندەیەکی ئەم هێزانە کوژراون. مەزڵوم عەبدەی فەرماندەی گشتی هێزەکانی سووریای دیموکراتیە بەردەوامبوونی دەستدرێژییەکانی تورکیا بە تایبەت بۆ سەر ناوچەگەلێکی وەک بەنداوی تشرین سەرباری ئەو هەوڵانەی دەدرێت بۆ ئاگربڕ بە ناوبژیوانی دەورگێڕانی نێودەوڵەتیی شەرمەزار کرد. مەزڵوم عەبدی تورکیای تۆمەتبار کرد بەوەی هەوڵ دەدات بۆ تێکدانی ئارامی و ئەهوەنی ناوچەکە. کاربەدەستێکی عێراقیش ڕایگەیاندووە؛ ئەمریکا ڕادەیەکی زۆر کەرەستەی جەنگی و هێزی سەربازیی خۆی لە عێراقەوە گواستۆتەوە بۆ سوریا. ئەم کردەوەیە بەشێک لە پلانی تازەی واشینگتۆنە بۆ سەقامگیرکردنی هێزی ئەمریکایی لەم ناوچەیەدا. لە لایەکی دیکەوە فڕۆکە جەنگییەکانی ڕژێمی زایۆنی سنووری سووریایان بەزاند و بە هۆی ئەو پەلامارانە زنجیرە تەقینەوەیەک ڕووی داوە و دوا بە دوای ئەوەش ئاگرکەوتنەوەیەکی بەربڵاو قەوماوە.
لە لایکی دیکەوە حکومەتی ئەبوو محەممەد جۆلانی ڕەوشێکی دژواری داسەپاندۆتە سەر شیعەکانی شاری حۆمس. و جگە لە کوشتن و ڕفاندنی پیاوەکان بە بیانوی لە پەیوەندی دابوونیان لەگەڵ حکومەتی پێشوو لە هەندێ ناوچەدا بنکەی ڕاگرتن و پشکنین دانراوە کە لەو بنکانەدا سەبارەت بە شیعە یان سوننە بوونی خەڵکەکە پرسیار دەکرێ. شاندێکی باڵاش لە ڕووسیاوە بۆ یەکەم جار لەو کاتەوە کە حکومەتی بەشار ئەسەدی سەرۆک کۆماری پێشووی سوریا ڕووخاوە و بەرهەڵستکاران دەسەڵاتی وڵاتیان گرتووەتە دەست، گەیشتە دیمەشق. میخاییل بۆگودانۆف جێگری وەزیری دەرەوەی ڕووسیا لە سەفەری بۆ دیمەشق وتی: مۆسکۆ خوازیاری یەکێتی، سەربەخۆیی و یەکپارچەیی خاکی سوریایە.
