مەزلوم عەبدی، فەرماندەی گشتی هێزەکانی سوریا دیموکرات (هەسەدە)، لەگەڵ ئەو لیژنەیەی کە ئەحمەد شەرع، سەرۆککۆماری سوریا بۆ قۆناغی ڕاگوزەر بە مەبەستی جێبەجێکردنی ڕێککەوتنی نێوان ئیدارەی سوریا و هەسەدە پێکیهێنابو، کۆبوەوە لەبارەی ئاگربەست لە سەرانسەری خاکی سوریا و بەشداریکردنی هەمو لایەنەکان لە داهاتو و دەستوری سوریا.

ناوەندی ڕاگەیاندی هێزەکانی سوریای دیموکرات، ئەمڕۆ چوارشەممە لە راگەیەندراوێکدا بڵاویکردەوە، مەزلوم عەبدی، فەرماندەی گشتی هێزەکانیان، لەگەڵ ئەو لیژنەیەی کە ئەحمەد شەرع، سەرۆککۆماری سوریا بۆ جێبەجێکردنی ڕێککەوتنی نێوان ئیدارەی سوریا و هەسەدە پێکیهێنابو، کۆبوەوە.