ناوچەکانی ژێر دەسەڵاتی هەسەدە لە باکور و ڕۆژهەڵاتی سوریا شایەتی پەرەسەندنی جموجۆڵی سەربازی و ئەمنیی هێزە بیانییەکان بە سەرکردایەتی ئەمریکایە.

هێزە بیانییەکان بە سەرکردایەتی  ئەمریکا لە سوریا لە چەن ڕۆژی ڕابردوودا  چەندین کاروانی زرێپۆش و کەرەستەی  جەنگیان  گواستووەتەوە بۆ باکور و ڕۆژهەڵاتی سوریا و هاوکاتیش مەشقی سەربازی  زۆریان  لەگەڵ هێزەکانی  هەسەدە لە شارەکانی حەسەکە و ڕەققە  بەڕێوە بردووە  . لە لایەکی دیکەوە نیگەرانییەکان سەبارەت بە چالاکیی شانە نووستووەکانی  داعش لە باکور و ڕۆژهەڵاتی سوریا توندتر بووەتەوە. لە چەند ڕۆژی ڕابردوودا دوو سەربازی ئەمریکی لە بۆسەیەکی داعش لە سوریا کوژران . ئەم جموجۆڵ و  مەشقە سەربازییانە، پێشاندەری توندترکرانی ڕێوشوێنی ئەمنی و سەربازیی هێزە بیانییەکان و هێزەکانی هەسەدە لە باکور و ڕۆژهەڵاتی سوریا لە سای گۆڕانکارییە  ئەمنییەکانی ئەم دواییە و نیگەرانیی لە تاوسەندنی چالاکیی گروپە چەکدارەکان بەتایبەت داعشە.