وەزیری دەرەوەی ئێران و وەزیری دەرەوەی سوئیس لە پەراوێزی کۆگەی گشتیی ڕێکخراوی نەتەوەکان لە نیۆیۆرک دیدار و وتووێژیان کرد.

بەپێی ڕاپۆری هەواڵدەریی ئیرنا، محەممەد جەوادی زەریف وەزیری دەرەوەی ئێران و دیدیەر بورخالتر وەزیری دەرەوەی سوئیس لەو چاوپێکەوتنەدا لەبارەی پەیوەندییە دوو قۆڵییەکان، گۆڕانکارییەکانی ناوچەو جیهان و پرسەکانی دیکەی جێی سەرنجی دوو وڵات، وتووێژیان کرد.

بڕیارە زەریف لە نیۆیۆرک لەگەڵ بوریس جانسۆن وەزیری دەرەوەی بەریتانیاش دیدار و لەبارەی پرسە دوو قۆڵییەکان وتووێژ بکات.

وەزیری دەرەوەی ئێران لەگەڵ حەسەن ڕۆحانی سەرۆکی کۆماری ئیسلامیی ئێران بۆ بەشداربوون لە حەفتاو دووهەمین کۆگەی گشتیی ڕێکخراوی نەتەوەکان لە نیۆیۆرکە.