وەزیری بەرگری و پشتیوانی هێزە چەکدارەکانی ئێران بە بانگهێشتی وەزیری بەرگری چین ، لە سەرووی شاندێکی پلەبەرزی بەرگری ،سەردانی ئەو وڵاتە دەکات .

 بە گوێرەی ڕاپۆڕتی  ڕۆژی  چوارشەمەی  بنکەی  هەواڵدەریی  وەزارەتی بەرگری ؛ ئەمیر سەرتیپ  ئەمیر حاتەمی لەو سەفەرەدا لە گەڵ وەزیری بەرگری و ژۆمارێکی دیکە لە کاربەدەستانی سەربازی و سیاسی چین  دیدار و لە بواری  گۆڕانکاریە ناوچەیی و نێونەتەوەییەکان و هەروەها  پەیوەندی و هاوکاری دوو لایەنەی بەرگری وتووێژ دەکەن .  سەرتیپ حاتەمی  سەردانی بڕێک لە یەکەکانی سەربازی و پیشە سازی چینیش دەکات .  وەزیری بەرگری و پشتیوانی هێزە چەکدارەکانی ئێران هەروەها  وەک سکرتێری ئەرکانی گەشەی لێوارەکانی مەکران لە باشووری ڕۆژهەڵاتی ئێران  لە گەڵ ژۆمارێک لە بەرپرسانی ئابووری چین  دیدار  و وتوێژ دەکەن . هاوکاریەکانی بەرگری ئێران و چین دوای سەرکەوتنی شۆڕشی ئیسلامی   ئێران دەسپێکرا و تا ئێستا ڕەوتی ڕوو لە گەشەی تێپەڕاندووە . وەزیری بەرگری چین نوامبری 2016 سەردانی تارانی کرد و ڕێککەوتنی هاوکاری بەرگری و سەربازی نێوان ئێران و چین لەو سەفەرەدا واژۆ کرا .